தொட்டனைத் தூறூம் மனற்கேணி ...

அழகர் எத்தனை அழகரடி!

2011-04-19T22:38:00.003+05:30

மதுரை சித்திரை திருவிழாவில் முத்திரை பதிக்கும் நிகழ்ச்சியான அழகர் ஆற்றில் இறங்கும் விழா வெகு விமரிசையாக நடைபெற்றது.வைகை ஆற்றில் எழுந்தருளிய அழகர் பின்னர் வெய்யிலிலேயே பல மண்டபகப்படிகளுக்கு விஜயம் செய்து பக்தர்களுக்கு அருள்பாலித்தார்.உச்சி வெயிலின் போது தீர்த்தவாரி மண்டபகப்படிக்கு வந்த அழகரை ஆயிரக்கணக்கான பக்தர்கள் தண்ணீரை பீய்ச்சி அடித்து வரவேற்றனர்

ராமநாதபுரம், பரமக்குடி சுந்தரராஜ பெருமாள் கோயில் சித்திரை விழாவையொட்டிசுவாமி கள்ளழகர் திருக்கோலத்தில் வைகையாற்றில் இறங்கினார்.

விருதுநகர், சாத்தூர் வைப்பாற்றில் கள்ளழகர், பச்சை பட்டு உடுத்தி இறங்கினார்

சித்திரைவிழாயொட்டி குதிரை வாகனத்தில் வந்த அழகர் அய்யம்பாளையம் மருதாநதியில் இறங்கி பக்தர்களுக்கு காட்சி அளித்தார்.

குறிப்பு : தலைப்பு மட்டும் தான் என் எழுத்தில் படங்கள் செய்திகள் தினமலரிலிருந்து!

சித்திரை திருவிழா - கோலாகல ஆரம்பம்

2011-04-06T22:40:00.004+05:30

சித்திரை திருவிழா - கோலாகல ஆரம்பம்

இன்று முதல் சித்திரை திருவிழா கோலாகல ஆரம்பம்.

கடந்தாண்டு படங்கள்

முதல் நாள் : 07.04.2011 கொடியேற்றம்

காலை : கொடியேற்றம்,

மாலை கற்பக விருட்சம் - சிம்ம வாகனம்

இரண்டாம் நாள் :08.04.2011

காலை : தங்க சப்பரம்

மாலை : பூத - அன்ன வாகனம்

மூன்றாம் நாள் :09.04.2011

காலை : தங்க சப்பரம் - மாசிவீதி

மாலை : இராவண கைலாச பர்வதம் - கேட்டதை தரும் காமதேனு - மாசிவீதி

நான்காம் நாள் :10.04.2011

காலை : தங்க பல்லாக்கு, வில்லாபுரத்தில் பாகற்காய் தோப்பு

மாலை : தங்க பல்லாக்கு - சித்திரை வீதி

ஐந்தாம் நாள் :11.04.2011

காலை : தங்க சப்பரம் - இராமாயணச் சாவடி

மாலை : தங்ககுதிரையில் கோவிலுக்கு திரும்புதல்

ஆறாம் நாள் :12.04.2011

காலை : தங்க சப்பரம் - மாசிவீதி

மாலை : தங்க இடப வாகனம் - மாசிவீதி

ஏழாம் நாள் :13.04.2011

காலை : கங்காள நாதர் புறப்பாடு - (பிக்ஷாடனார்)

மாலை : அதிகார நந்தி - யாளி வாகனம்

எட்டாம் நாள் : 14.04.2011

காலை : தங்க பல்லக்கு

மாலை : மீனாட்சி அம்மன் பட்டாபிஷேகம்

ஒன்பதாவது நாள் : 15.04.2011

காலை : மரவர்ண சப்பரம்

மாலை : இந்திர விமானத்தில் - திக் விஜயம்

பத்தாம் நாள் : 16.04.2011

காலை : வெள்ளி சிம்மாசனத்தில் சித்திரை வீதிகளில் பவனி, பின் ஆடி வீதியில் திருக்கல்யாண வைபவம்

மாலை : யானை & பூப்பல்லாக்கு

11வது நாள் : 17.04.2011

காலை : திருத்தேர்

மாலை : சப்தாவர்ண சப்பரம்

12 வது நாள் : 18.04.2011

மாலை : இடப வாகனத்தில் எழுந்தருளி தேவேந்திர பூஜை (திருக்கல்யாண மண்டபம், மீனாட்சி அம்மன் கோவில்)

காலை :அழகர் புறப்பாடு

மாலை : தல்லாகுளத்தில் எதிர் சேவை

13வது நாள் : 19.04.2011

காலை :அதிகாலை 6.30 க்கு ஆயிரம் பொன் சப்பரத்தில் எழுந்தருளி, தங்க குதிரை வாகனத்தில் ஆற்றில் எழுந்தருளல்

14வது நாள் : 20.04.2011

காலை :சேஷ வாகனத்திலும், கருட வாகனத்திலும் காட்சி, மண்டூக மகரிஷிக்கு மோட்சம்

15வது நாள் : 21.04.2011

மாலை : தசாவதாரக் காட்சி

16வது நாள் : 22.04.2011

மாலை : புஷ்ப பல்லாக்கு

17வது நாள் : 23.04.2011

காலை :மூன்று மாவடியிலிருந்து மலைக்கு திரும்புதல்

18வது நாள் : 24.04.2011

காலை : அதிகாலை கோவிலை அடைதல்

http://maduraimeenakshi.org/invitation/index.html

Dinamalar-Kovil

2011-03-06T14:28:00.000+05:30

Dinamalar-Kovil

மீனாக்ஷி அம்மன் அர்ச்சனை

2011-01-28T21:59:00.002+05:30

மீனாக்ஷி அம்மன் அர்ச்சனை தமிழில்
டெக்சாசில் அருள் பொழியும் மீனாட்சி அம்மன்

மீனாட்சி அம்மன் கோவில் படங்கள்

2011-01-23T22:16:00.003+05:30

முந்தைய பதிவில் திக் விஜய காட்சியை மூலிகை ஓவியத்தில் காட்டியிருந்தேன். யார் யாரென தெரியவில்லை என்று என்னுடைய நன்பர்கள் கேட்க அதை விவரிக்க இப்பதிவு இட்டிருந்தேன், தற்போது புதிதாக ஒரு மடிகணினி வாங்கி அதில் ஒரு நல்ல இடுகை செய்ய ஒரு நல்ல சுட்டி தேடியவேளையில் இன்றுகாலை இப்படம் கண்ணில் பட்டது உடனே பதித்து விட்டேன். தேச மங்கையர்கரிசி அவர்கள், தம் பாணியில் மீனாட்சி அம்மன் - சொக்கநாதர் திருகல்யாணத்தை விவரிக்கும் அசைபடம் இப்பதிவில்.

மீனாட்சி அம்மன் ஒவ்வொரு நாடாக, திசையாக செல்வதை அவர் சொல்லி கேட்க வேண்டும்! கேளுங்களேன்!

திக் விஜய நாளன்று இந்த காட்சி மதுரை மாசி விதிகளில் நடக்கும். அம்மன் சந்நிதி - கீழ மாசி வீதி சந்திப்பில் - சூரிய பகவான், கீழ மாசி வீதி - தெற்க்கு மாசி வீதி சந்திப்பில் (மஹால் வடம் போகி தெருவில்) - அக்னி பகவான், தென்திருவாலவாய் சுவாமி கோவில் வாசலில் - எம தருமன், தெற்கு - மேற்கு மாசிவிதி சந்திப்பில் - பித்ரு, மேல மாசிவிதி திண்டுக்கல் ரோடு சந்திப்பில் - வருண பகவான், மேற்கு - வடக்கு மாசி வீதி சந்திப்பில் - வாயு தேவன், வடக்கு கிருஷ்ணன் கோவில் அருகில் - குபேரன் மற்றும் வடக்கு மாசி வீதி - கீழ மாசி வீதி சந்திப்பில் - ஈசானன். பின் கீழமாசி வீதியில் சொக்கநாத பெருமானுக்கும், மீனாட்சி அம்மனுக்கும் நேர் எதிர் நடக்கும் திருக்காட்சி கண்கொள்ளா காட்சி.

அதே போன்ற அனைத்து வித கடவுளரும் வரும் ஒரு ஓவியம். அழகாக படமாக்கியுள்ளார் பிரபு என்ற கலைஞர்.

சூரிய பகவான் - மேலிருந்து மூன்றாவது வரிசையில் - இடமிருந்து இரண்டாவது கட்டம்.
அக்னி பகவான் - மேலிருந்து நான்காவது வரிசையில் - இடமிருந்து முதலாவது கட்டம்.
எம தருமன் - மேலிருந்து நான்காவது வரிசையில் - இடமிருந்து இரண்டாவது கட்டம்.
பித்ரு - மேலிருந்து நான்காவது வரிசையில் - இடமிருந்து மூன்றாவது கட்டம்.
மழை கடவுளான வருண பகவான் - மேலிருந்து நான்காவது வரிசையில் - இடமிருந்து கடைசி கட்டம்.
வாயு தேவன் - மேலிருந்து ஐந்தாவது வரிசையில் - இடமிருந்து முதலாவது கட்டம்.
குபேரன் - மேலிருந்து ஐந்தாவது வரிசையில் - இடமிருந்து இரண்டாவது கட்டம்.
மற்றும்
ஈசானன் - மேலிருந்து ஐந்தாவது வரிசையில் - இடமிருந்து மூன்றாவது கட்டம்.

என்ற அஷ்ட திக்கு பாலகர்களை மூலிகை ஓவியத்தில் திக்கு விஜயம் செய்யும் காட்சியை காண கண் கோடி வேண்டும்.

ஆரியன்காவு உற்சவம்

2011-01-10T20:09:00.006+05:30

அன்புள்ள அனைவருக்கும் வணக்கம்,
கடந்த 26.12.2010 அன்று தர்ம சாஸ்த - புஷ்கலா தேவி திருக்கல்யாண உற்சவம் வெகு சிறப்பாக நடைப்பெற்றது. அன்றைய நிகழ்வுகளை சன் டீவி தமது தெய்வ தரிசனம் நிகழ்ச்சியில் பதிவு செய்துள்ளனர். தவறவிட்டவர்களுக்காக.இங்கே !
கீழே வர்ணனை வார்த்தைகளை அளித்தவர் " வலைச்சர ஆசிரியர் சீனாஅய்யா " அவர்கள்!

கடந்த 09.01.2011 ஞாயிறு அன்று சன் தொலைக்காட்சியில் காலை 08:30க்கு தெய்வ தரிசனம் - 128ல் - ஆரியங்காவுதர்ம சாஸ்தா - புஷ்கலா தேவி திருக் கல்யாண உற்சவ நிகழ்சிகள் பதிவு செய்யப்பட்டு ஒளிபரப்பப்பட்டது.
செண்டை மேளம் முழங்க வேடம் புனைந்த கலைஞர்கள் நடனத்துடன் துவங்கிய நிகழ்ச்சி - கோவிலையும், பரிவார தேவதைகளையும், உற்சவ மூர்த்திகளையும், மூலவர் தர்மசாஸ்தா மற்றும் புஷ்கலா தேவியையும் அழகாகப் படம் பிடித்து ஒளிபரப்பினர்.
கருப்பா நதி, கருப்பண்ண சாமி, கருப்பாயி, என அழைக்கப்படும் காவல் தெய்வம் முறுக்கிய மீசையுடன் உயர்த்திய வாளுடன் காட்சி அளித்தார். நாக சன்னிதியில் நாகம்மாள் காட்சி அளிக்கிறார்.
பெண் வீட்டார் தாலிக்கொடி ஊர்வலத்தில் தீபம் ஏற்றிய தட்டுகளுடன் மாப்பைள்ளை அழைப்பு நடத்தியது காண்பதற்கு மகிழ்ச்சியாக இருந்தது. நீராஞ்சனம், தேங்காயில் நெய் தீபம், மணமகள் ஊஞ்சல் தரிசனம் இவற்றுடன், சௌராஷ்ட்ர மக்கள் - சம்பந்தம் செய்வதற்கு - பெண் வீட்டாராகச் சென்று திருமணத்தை நிசயம் செய்வது, சீர் கொண்டு செல்வது, சப்பர ஊர்வலம், மாலை மாற்றுதல், தாலி பூஜை, மாங்கல்ய தாரணம், என அனைத்து நிகழ்வுகளையும் அழகாகப் படம் பிடித்து தொலைக்காட்சியில் உலகம் முழுவதும் காணும் வண்ணம் ஒளி பரப்பியது நன்று.
மணமகள் -புஷ்கலாதேவிக்கு அணிவித்த பல மாங்கல்யச் சரடுகள் - பிரசாதமாக - பொதுமக்களுக்கு வ்ழங்கப் பட்டது. திரு மணம் ஆகாத பெண்கள் வாங்கிக் கொண்டால் 21 தினங்களில் திருமணம் நடக்கும் என்ற நம்பிக்கையும் உள்ளது.
காலை ஒரு பொழுது மங்களகரமாகச் சென்றது - எங்கும் தனித்துக் காணப்படும் ஐயப்பன் ஆரியங்காவில் மட்டும் தான் தம்பதி சமேதராக புஷ்கலா தேவியாருடன் காட்சி அளித்து மக்களுக்கு அருள் பாலிக்கிறார். இக்காட்சியினைக் காணப் பரிந்துரைத்த நண்பன் சிவ முருகனுக்கு நல்வாழ்த்துகளுடன் கூடிய ஆசிகள்.

நன்றி !

மதுரை முனிகள்

2010-11-27T18:15:00.002+05:30

சர்வேஸ்வரன் கைலாயத்தில் இருந்து வரும் சமயம் அவர் தம்மோடு முனிக்களையும் அழைத்து வந்ததாக மீனாட்சி அம்மன் வரலாற்றில் குறிப்பிடப்பட்டுள்ளது! அதில் சில முக்கிய முனிகளை பற்றி இங்கே காணலாம்.

அருள்மிகு மீனாட்சி சுந்தரேஸ்வரர் கோவிலில் இருந்து பல மைல் தூரத்தில் இருந்தாலும் இவர் மதுரையில் மிக மிக பிரபலமான முனி. ஆம் அவர் தான் பாண்டி முனி.

(நக்கீரன் இணையதளத்திலிருந்து)

ஸ்ரீ ஜடாமுனீஸ்வரர் :

தனிகோவிலில் வினாயகர், முருகன், மற்றும் நாகர்கள் நடுவே, வட்டக்கல் நட்ட தெய்வமாய், இருந்தவர் உருவம் கண்டு, யோகத்தில் அமர்ந்து காவல் தெய்வமாய் அருள் பாலிக்கிறார். இக்கோவிலில் தீர்த்த பிரசாதம் தருவது குறிப்பிடத்தக்க்து.

விட்டவாசல் முனீஸ்வரர்

இவர் புதுமண்டபதிற்க்கு கிழக்கே எழுகடல் தெருவில் கிழக்கு காவல் முனியாக இருக்கிறார். மூன்றடி ஆழத்தில் இறங்கிச் சென்றுதான் இவரை வணங்க முடியும்.

வடக்கு வாசல் முனீஸ்வரர்,

இவர் வடக்கு கோபுரத்திற்க்கு அருகில், தனி சன்னிதியில், தன் பரிவார தெய்வங்களுடன் அருள் தருகிறார்.சித்திரை திருவிழா சமயத்தில் பதினெட்டாம் படி கருப்பண்ணசாமிக்கு இங்கிருந்தான் சந்தனம் செல்வது குறிப்பிடத்தக்கது. மதுரையை சார்ந்த நான்கு வீட்டு சகோதரர்கள் முறைமாற்றி இக்கோவிலை நிர்வகிக்கின்றானர்.

மேற்க்கு வாசல் முனீஸ்வரர்
மேற்க்கு பகுதியில் திண்டுக்கல் ரொட்டில் அபய வரத மூர்த்தியாக ஜடாமுனீஸ்வரர் வீற்றுள்ளார்.

முனிகளின் மேலதிக தகவல்கள்
http://www.koodal.com/article/tamil/ilakkiyam.asp?id=491

http://www.jeyamohan.in/?p=4645

அருள்மிகு மீனாட்சி அம்மன் கோவில் உலா!

2009-10-12T19:11:00.004+05:30

தமிழ்நாடு சுற்றுலாத்துறை சார்பாக அருள்மிகு மினாட்சி சுந்தரேஸ்வரர் கோவில் பற்றி ஒரு இணையதளம் உருவாகி உள்ளது!

இத்தளத்தில் இருக்கும் படங்கள் சாதரணமாக உலக அதிசயங்கள், சினிமா ஒளிப்பதிவுகளில் மட்டுமே நாம் பாத்திருக்கக்ககூடும், அதே போன்ற படங்கள் எம் அன்னையின் ஆலயத்தையும் பதிவு செய்யப்பட்டுள்ளது வரவேற்க்கத்தக்கது.

25க்கும் மேற்ப்பட்ட முக்கிய இடங்களில் படமாக்கப்பட்டுள்ளது பாராட்டுக்குரியது.

இதில் முக்கியமாக நான் பார்த்து மெய்சிலிர்த்த இடம் கம்பத்தடி மண்டபம். இம்மண்டபத்தை இதைவிட அழகாக முற்றிலும் அணு-அணுவாக வேறெங்கும் தரிசிக்க முடியாது.

நீங்களும் கண்டு ஆனந்திக்க இங்கே சொடுக்கவும் அல்லது இங்கே.

பள்ளியறை பூஜை! - அசைபடம்

2009-07-15T14:48:00.000+05:30

மீனாட்சி அம்மன் கோவிலில் தினமும் நடக்கும் பூஜையொன்றை முந்தய பதிவில் இட்டேன்!

இன்னும் கொஞ்சம் விளக்கமாக பார்க்கலாம்.

எல்லாகோவிலிலும் முதலில் சுவாமிக்கு தான் தீபஆராதனை மற்றும் எல்லாவித புஜைகள் செய்வர். ஆனால் மதுரையில் முதலில் அம்மனுக்கு தான் பூஜை செய்வது வழக்கம். இதற்க்கு பல வித காரணங்கள் உள்ளன.

1. மீனாட்சி அம்மன் முதலில் மதுரையை ஆண்ட சமயத்தில் எல்லா வித மரியாதைகளும் அவருக்கே முதலில் செய்யப்பட்டதாகவும் காலப்போக்கில் அதுவே வழி வழியாக வந்ததாகவும் சொல்லப்படுகிறது

2. மனைவியானவள் கணவனுக்கு முன்பாக எழுந்து தயாராகி கணவனுக்கு பணிவிடை செய்து எழுப்பவேண்டும் என்ற நியதியை கடைப்பிடிக்க இவ்வாறு செய்யப்படுவதாகவும் சொல்லப்படுகிறது.

இப்பொழுது மீண்டும் மீனாட்சி அம்மன் கோவிலுக்கு செல்கிறோம்.

இரவு 8:00 மணியளவில் அம்மன் சன்னிதி திரையடப்பட்டு அபிஷேகம் மற்றும் ஆராதனைகள் செய்து வெள்ள மலர்களாலும், மற்றும் வென்நிற பட்டு சாற்றியும் அருட்காட்சி தருவாள் அன்னை அங்கயர்கண்ணி.

மல்லிகை பூவால் கூடாரம் கண்டு, வெண்தாமரைகளால் பாதங்கள் அலங்கரிக்கப்பட்டு, வென்பட்டால் அம்மன் அலங்கரித்து தரும் திருக்காட்சி காண கண்கோடி வேண்டும்.

அவ்வாறு காட்சி தரும் அன்னையை தரிசித்தால் கையில் கிளியேந்திய கலைவாணி இவளே தான் என்றும் சிலர் சத்தியம் செய்து விடுவர், இவரே தான் அந்த வேதமாதாவோ என்றும் தோன்றக்கூடும்!

பிறகு இரவு 9.15 மணியளவில் நடக்கும் பள்ளியறை பூஜையின் போது சுவாமி பல்லக்கில், அம்மன் சன்னிதிக்கு எதிரில் வந்து நிற்பார். அவருக்கு பாதபூஜை நடக்கும். அவரது பாதபூஜையை கண்ணார கண்ட பக்தர்கள் அம்மன் சன்னிதிக்குள் ஓடுவர். முதல் நாள் எனென்று தெரியாமல் நானும் ஓடினேன். அது தான் இரவு கடைசி நேர பூஜை என்றும், பிறகு அடுத்த நாள் தான் அம்மனை தரிசிக்க இயலும் என்பது பிறகு தான் தெரிந்தது.அம்மனுக்கு செய்யும் இந்த தீபாரதனையில் மேலும் ஒரு விசேஷம் என்ன வென்றால் அம்மனுக்கு சூட்டபட்டிருக்கும் மூக்குதியானது எத்தனை தூரமாக நாம் நின்று கண்டாலும், மிகத் தெளிவாக தெரியும். காரணம் உள்ளே இருக்கும் பெரும்பாலான வண்ணம் வெள்ளை, ஆகவே தான் இந்த மூக்குத்தி மிக தெளிவாக தரிசிக்க இயலும். அத்தோடு மூன்று வகையான தீபங்கள் காட்டப்படும் அதில் கடைசி தீபம் அம்மனின் முகத்திற்க்கு மிக அருகில் காட்டுவர் அவ்வாறு காட்டப்படும் போது மிக தெளிவாக அம்மனை தரிசிக்கலாம். பலர் கோவிலுக்கு சென்று அம்மனை தரிசிக்க முடியவில்லை என்று சொல்வர், சிரமம் பார்க்காமல் இந்த பூஜைக்கு சென்றால் நிச்சயம் அம்மனை தரிசிக்க இயலும்.

ஒரே நாளில் தானே இச்சா, கிரியா மற்றும் ஞானசக்தியாக அருள்பாலிக்கும் அன்னையை தரிசித்து வருவோம்.

From Meenakshi Temple

இச்சா-சக்தி(காலை பொழுதில் - 11.00 மணியளவில்).

From Meenakshi Temple

கிரியா-சக்தி (மாலை பொழுதில் மாலை 4-4.30 மணியளவில்).

From Meenakshi Temple

ஞான-சக்தியாக (இரவு பொழுதில் - 8.00 மணியளவில்).

இந்த பாதபூஜை அம்மன் தானே செய்வதாக ஐதீகம்.

யூட்யுப் கொஞ்சம் அசைபடங்களை தருகிறது. 50க்கும் மேற்பட்ட பள்ளியறை அசைபடங்களை அதில் காணமுடிந்தது, அதில் சற்று துல்லியமான அசைபடங்களை தரிசிக்கவும், நீங்கள் நேரிடையாக சென்று வந்த மனநிலையை தரும் என்று நம்புகிறேன்.

பள்ளியறை பூஜை! - தேவ தேவோத்தமா!

2009-07-13T20:00:00.002+05:30

அங்கயர்கண்ணி அன்னை மீனாட்சி நாள் தோறும் பல பூஜைகளையும் பல தரபட்ட அலங்காரங்களும் தந்தருள்கிறாள்.

திருவிழா மற்றும் திருப்பரங்குன்றத்திற்க்கு பயணம் எனும் போது மட்டும் ஒரு சில வகை பூஜைகள் நடக்காமல் இருந்து விடுகிறது. ஆனால் வருடத்தில் 365 நாட்களும் இடைவிடாது நடக்கும் ஒரே பூஜை இந்த பள்ளியறை பூஜை மற்றும் திருப்பள்ளியெழுச்சி பூஜை.

வருடத்தில் 5 தினங்கள் கோவிலின் நடை சாத்தப்பட்டு இருந்தாலும் சுவாமியும், அம்மனும் திரும்பி இந்த பூஜையில் நிச்சயமாக அருள்பாலிப்பர்.

சிவராத்திரி, நவராத்திரி போன்ற நாட்களில் இரவு வெகுநேரம் நடை திறந்திருந்தாலும் அதிகாலை 3-4 மணியளவில் இப்பூஜைகள் நடக்கும்.

அதே போல் தெப்பதிருவிழா மற்றும் திருபரங்குன்றத்து குமரனுக்கு திருக்கல்யாண உற்சவநாளும் முதல் நாள் இரவே இப்பூஜைகளை கண்டு இரவு முழூவதும் பக்தர்களுக்கு அருள் பாலிப்பர்.

அத்தகைய பூஜை படங்களை வலையேற்றம் செய்யாமல் இருந்தது ஒரு சிறிய குறையிருந்தது அதை தற்போது தீர்ந்து விட்டது.

முதல் நாள் இரவு சுவாமி தன் சன்னிதியில் இருந்து கிளம்பி வெளியே வருவார்! பிறகு கம்பத்தடி மண்டபத்திற்க்கு முன்னால் இருந்து, சமயக்குறவர்கள் சன்னிதியில் ஓதுவார்கள் தேவார பதிகம் பாடலிசைக்க பயணம் அம்மன் சன்னிதி நோக்கி தொடரும்.

பின் முக்கூருனி விநாயகருக்கு அருகில் தீபஆராதனையும் - அம்மன் சன்னிதி நுழைவாயிலில் பாதபூஜை நடக்கும். சுவாமி பல்லக்கில் இருந்த வாரே அம்மன் சன்னிதிக்குள் செல்வார், பிறகு திருமலை நாயக்கர் சன்னிதிக்கருகில் ஒரு முறை தீபாராதனை காட்டுவர், கடைசியாக பள்ளியறை எதிரில் இருக்கும் வாசல் வழியாக நேரே பள்ளியறைக்குச் செல்வார்.

அவ்வாறு செல்லும் சமயம், ஓதுவார் ஒருவர்

"தேவ தேவோத்தமா
தேவதா சர்வ தோமா
ஆகிலாண்ட கோடி பிரம்மாண்ட நாயகாச் சரிகா!
பார்வதிப் பிரிய நாயகாச்சரிகா
பாண்டியமண்டாலிதிபாச் சரிகா
சோமாநாத பாண்டிய மஹாராஜா பராக்!"

என்று பராக் சொல்ல, பல்லக்கில் இருந்து திருவாச்சி சமேதமாக இருக்கும் சோமசுந்தர கடவுளின் பாதுகை பள்ளியறை நோக்கி செல்லும்!

பின் தீப தூப ஆராதனைகள் ஆரம்பமாகும்

தீபங்களில் 16 வகை உண்டு.
தூபம், மகாதீபம், அலங்கார தீபம், நாக தீபம், விருட்சப தீபம், புருஷா மிருக தீபம், ஓலதீபம், கமடதி தீபம், கணு தீபம், வியான்ர தீபம், சிம்ம தீபம், துவஜ தீபம், மயூர தீபம், ஐந்தட்டு தீபம், நட்சத்திர தீபம், மேரு தீபம்

ஆகிய 16 வகை தீபஆராதனைகள் செய்வித்து! அப்பனும் அம்மையும் உளமகிழ்ந்து பொன்னூஞ்சலில் அமர்ந்து அருள்பாலிப்பர்.

தீபஆராதனைகளனைத்தும் முடிந்தவுடன், கூடியிருக்கும் அவரடியவர்கள்

"பொன்னூஞ்சலில் பூரித்து,
பூஷனங்கள் தரித்து!
பொன்னூஞ்சலில் பூரித்து,
பூஷனங்கள் தரித்து!
ஈசனாரிடத்தில் ஆசைகள் ரொம்ப வைத்து
கண்ணூஞ்சல் ஆடுகின்றாள்
காஞ்சனமாலை
மயிலாள் பொன்னூஞ்சல் ஆடுகின்றாள்...

பூலோக கைலாச,
பூலோக கைலாச
புண்ணியமா ம மதுரா,
புண்ணியமா ம மதுரா
ஆகாச சுந்தரேசா,
ஆகாச சுந்தரேசா
சதானந்தமே கண்மலராய்!

இந்திரயங்கள் பூஜிக்க,
சங்கரியும் பூரித்து
மங்களத்தாம்பூலம் ஆற்றினாள் - தேவி
தங்க கதவை மெல்ல சாற்றினாள்!"

என்று பாடலிசைக்க, விசிறி ஆட்டம் கண்டு, பின் ஊஞ்சல் ஆடி அப்பனும் அம்மையும் அருள்பாலித்து நடையை சாற்றுவர்!

எப்போதும் போல் படங்கள் இணைய தொக்குப்பே...

பாடல்கள் நேரடியாக நானே கேட்டு, பாடியவை.

கொசுறு : ஒவ்வொரு முறையும் என் காது பட யாரேனும் ஒருவர் "இன்று தான் இந்த காட்சியை கண்ணார காண முடிந்தது" என்று கூறிவிடுவர்'

மூலிகை ஓவியத்தில் திருக்கல்யாண காட்சி

மரகதவல்லிக்கு மணக்கோலம்...

2009-05-05T13:23:00.002+05:30

தினமலர் படங்கள்

மீனாட்சி அம்மன் கோவில் கூகிள் - வரைபடம்

2009-03-10T12:23:00.002+05:30

பெரிதாக பார்க்க சொடுக்கவும்...

மீனாட்சி அம்மன் கோவில் படங்கள் - நவராத்திரி அலங்கார படங்கள்

2008-10-08T16:48:00.001+05:30

மீனாட்சி அம்மன் கோவில் படங்கள் - மூலிகை ஓவியங்கள்

2008-09-30T15:17:00.001+05:30

மூலிகை ஓவியங்கள் - 6

மீனாட்சி அம்மன் கோவில் பொற்றாமரை குளக்கரையில் வரையப்படும் மூலிகை ஓவியங்களை காட்டும் தொடர்.

பிட்டுக்கு மண் சுமந்த காட்சி.

கோவில்களும் மன்னர்களும்

2008-09-27T13:50:00.001+05:30

கூகிள் விடியோவில் கிடைத்த ஒரு அருமையான படம், நேற்று முன்தினம் இதே குறும்படத்தை டிஸ்கவரியில் காண நேர்ந்தது! அதை நீங்களும் காண பதிக்கிறேன். இது தரவிறக்கம் ஆக 30 நிமிடமாவது ஆகும்.

மீனாட்சி அம்மன் கோவில் படங்கள் - மூலிகை ஓவியங்கள்

2008-09-27T13:10:00.000+05:30

மூலிகை ஓவியங்கள் - 5

மீனாட்சி அம்மன் கோவில் பொற்றாமரை குளக்கரையில் வரையப்படும் மூலிகை ஓவியங்களை காட்டும் தொடர்.

வன்னியும் கிணறும் இலிங்கமும்

இறைவன் செய்த பல லீலைகளில் இதுவும் ஒன்று.

திருப்புறம்பயம் என்ற தலத்தில், தன் தங்கை மகளுடன் வந்தடைந்த காவிரிப் பூம்பட்டினத்து வணிகன் அரவு கடித்து இறந்துபோக, சிவபெருமான் அவனுக்கு உயிர் அளித்ததோடு அவனுக்கு அப்பெண்ணைத் திருமணம் புரிவித்தார். அப்பெண் மதுரையில், அவளது கணவனின் முதல் மனைவியால் பழிக்கப்பெற்றபோது, வன்னி, கிணறு, மடைப் பள்ளி இவைகளோடு வந்து இலிங்கமாக சாட்சிபகர்ந்தார் சாட்சிநாதர். வணிகப் பெண்ணின் பொருட்டுச் சிவபெருமான் மதுரை சென்று சாட்சி பகர்ந்தததை உணர்த்தும் நாடகம் ஒன்று இவ்வூரில் வைகாசிமாதத்தில் நடைபெறுகின்றது. அதை மக்கள் `வன்னி நாடகம்` என்று கூறுகின்றனர்.

(திருப்புறம்பயம் - கும்பகோணத்திற்கு வடமேற்கே 9 கி.மீ. தூரத்தில் மண்ணி யாற்றின் வடகரையில் இருக்கின்றது. கும்பகோணத்திலிருந்து பேருந்து வசதி உள்ளது.)

64. வன்னியும் கிணறும் இலிங்கமும் அழைத்த படலம்
3256. சென்னி வெண் திங்கள் மிலைச்சிய சிவன் அருள் அடைந்த சம்பந்தர்
துன் இரும் சமணனைக் கழுமுனை ஏற்றித் துணித்த வாறு இசைத்தனம் வணிகக்
கன்னிதன் மன்றல் கரியினை மாற்றாள் காண அக் கண் நுதல் அருளால்
வன்னியும் கிணறும் இலிங்கமும் ஆங்கு வந்தவாறு அடுத்தினி உரைப்பாம்.

3257. பொன் மலர்க் கைதை வேலி சூழ் வேலைப் புறத்து ஒரு பட்டினத்து உள்ளான்
மின் மணிக் கொடும் பூண் ஒரு குல வணிகன் வேறு வேறு ஆம் பல செல்வத்
தன்மையில் சிறந்தோன் மகவு இலன் ஆகித் தன் மனக்கு இனியது ஓர் காட்சி
நன் மனைக் கொடியோடு அறம் பல புரிந்தோர் நகை மதிக் கொம்பை ஈன்று எடுத்தான்.

3258. அத்தன வணிகற்கு உரிய நன் மருகன் அவன் முதற் கடிமணம் முடித்தோன்
முத்தமிழ் மதுரைப் பதி உளான் அவற்கே முறையினால் நோற்று நான் பயந்த
வித்தக மயிலைக் கொடுப்பல் என்று அனைய இயற் குல வணிகர் கோன் தன்னோடு
ஒத்த பல் கிளைஞர் யாவரும் அறிய உணர்த்தினான் சில பகல் ஒழிய.

3259. ஊழ்வினை வலியால் ஆருயிர் இழந்தான் உயிர்க்கு உடம்பு அனைய தன் கற்பின்
சூழ் கதிர் மணிப் பூண் மனைவியும் இறப்பத் துணிந்தனள் அவர் இருவோர்க்கும்
ஆழ் கடல் கிளைஞர் செயத் தகு கடன்கள் ஆற்றியச் செய்தியை மதுரை
வாழ்தரு மருகற்கு உணர்த்துவான் ஓலை விடுத்தனர் மருமகன் வாங்கா.

3260. தன் அருள் மாமன் துஞ்சினான் கூடத் தாரமும் துஞ்சியது இப்பால்
அன்னவற்கு அளவு இன்று ஆகிய தனம் உண்டு அவனனி நாண் மகவு இன்றிப்
பின் ஒரு பெண்ணைப் பெற்றனன் அவளைத் தனக்கு எனப் பேசினான் அனைய
கன்னியை மணந்து செல்க என முடங்கல் கழறிய பாசுரம் தெரியா.

3261. வீழ்ந்தனன் தரை மேல் புரண்டனன் உயிர்ப்பு வீங்கினன் விழிப்புனல் வெள்ளத்து
ஆழ்ந்தனன் விம்முற்று அம்மவோ என்று என்று அரற்றினான் கிளைஞர் நட்பு அடைந்து
வாழ்ந்தவர் தழுவத் தழீஇத் தழீஇக் கரைந்தான் மற்றவர் தேற்றிடத் தெந்து
சூழ்ந்த வெம் துயர் நீத்து ஒரு தலை மாமன் தொல் நகர்க்கு கேகுவான் துணிந்தான்.

3262. அங்கு உள கிளைஞர் சிலரொடும் கூடி அரும் கடி மதுரை நீத்து ஏகிப்
பொங்கிரும் காழி சூழ் பட்டினம் குறுகிப் புகுதுவான் வரவு அறிந்து அங்குத்
தங்கு தம் கிளைஞர் வினவ நேர் வாரைத் தழீஇத் தழீஇச் செலவிடுத்து ஏகிக்
கொங்கு இவர் தளவத் தாரினான் மாமன் கோயில் புக்கு இருந்தனன் ஆக.

3263. நாள் சில கழிந்த பின்னர் நாய்கர் ஏறு அனையான் அன்ன
வாள் புரை கண்ணியானை மதுரையில் கொடுபோய் அங்கு என்
கேளிர் முன் வேட்பல் என்று கிளந்து தன் மாமன் ஈட்டு
நீள் பெரும் பொருள்கள் மற்றும் கைக் கொண்டு நெறியில் செல்வான்.

3264. வழிவிட வருவார் தம்மை நிறுத்திப் பின் மதுரை மூதூர்க்கு
எழுதரு சுற்றத்தாரை முன் சென் மின் என்று போக்கித்
தொழு பரிசனமும் தானும் தோகையும் வைகல் ஒன்றில்
கழி வழி அரைமேல் பெய்த காவதம் ஆகப் போவான்.

3265. வெம் கதிர் வேலை செல்லும் வேலை வந்து அணையும் முன்னம்
இங்கிருந்து ஒழிகம் என்னாப் புறம் பய மூதுர் எய்தி
அங்கு இறை கோயில் முன்னிக் கூவல் நீராடி அங்குத்
தங்கிய வன்னி மாடே போனகம் சமைத்து உண்டு எல்
வாய்.

3266. மலை வைத்த சிலையான் கோயில் மருங்கு ஒரு படியின் உம்பர்
தலை வைத்துத் துயிலும் எல்லை விதிவழிச் சார வந்தோர்
கொலை வைத்த விடவாய் நாகம் கடித்தது கொதித்து நீண்ட
விலை வைத்த கொடும் பூண்நாயகன் விடம் தலைக் கொண்டு மாய்ந்தான்.

3267. அங்குள பரிசனங்கள் ஆவலித்து இரங்கிச் சூழக்
கொங்கைகள் புடைத்துச் சேடிக் குற்றிடை மகளிர் ஏங்கச்
சிங்க ஏறு அனையான் ஆகந் தீண்டிடாது ஒதுங்கிப் போந்த
பங்கய மலர்க் கொம்பு அன்னாள் பாவை போல் புறம்பு நின்றாள்.

3268. ஆளி ஏறு அன்ன அரவின் வாய்ப் பட்டதும் அவிந்ததும்
மீள வேல் உண் கணார் கை குலைத்து அழுவதும் விழுவதும்
கேளிர் சூழ்ந்து அயர்வதும் சோர்வதும் கண்டு இளம் கிகினாள்
வாளியேறு உண்டதோர் மயிலின் வீழ்ந்து உயங்கினாள் மயங்கினாள்.

3269. வடிக்கண் உள் செருகின அருகின உயிர்ப்பு அழல் வாய்ப் படும்
தொடுத்த பூம் கோதைபோல் சோர்ந்தது ஆக கரம் சோர்ந்தன
அடித்தளிர் சோர்ந்தன கன்னி அன்னப் பெடை அன்னவள்
இடிக்கு எதிர் பட்டு வீழ்ந்தாள் எனக் கிடந்தனள் என் செய்வாள்.

3270. சாயும் பூம் கொம்பரில் சூழ்ந்து இறந்தான் புறம் சார்ந்து அழூஉம்
ஆய மென் மகளிர் மீண்டு அன்பனோடு எங்கை தன் ஆவியும்
போயதே கொல் என மடியுறக் கொடும் கையால் புறம் தழீஇத்
தூய தூ செறிந்து இளைப் பாற்றினார் சிறிது உயிர் தோற்றவே.

3271. மெய் கழிந்து இன்னுயிர் மீண்டு தன் யாக்கையின் மெல்லவே
கை கலந்தாங்கு இரு காலி அங்கு உற்றன கண்களும்
பொய்கை நீலம் சிறிது அவிழ்ந்து என அலர்ந்தன பூவையை
மை கழி நாள் முதல் நான்கு நால் வேலியாய் வளைந்தவே.

3272. கை யெறியும் குழல் கற்றை சோரும் திரி காறுளி
நெய் எனக் கண் புனல் கொங்கை முற்றத்து உக நெஞ்சுகும்
பைய வாய் விடும் புறம் பார்க்கும் நாண் நெடும் தளைபடும் சிறு
தெய்வம் தொட்டாள் எனத் தேம்பி விம்மாந்து ஒளிதேயுமால்.

3273. வணங்கில் செல்வம் தழீஇப் பிறந்த நாள் தொட்டு தொகு வைகலும்
அணங்கு எனக் கனவிலும் கண்டிலாள் அன்பன் மேல் அன்பு எனும்
இணங்கு தன் உருவமாய் நிறைவரம் பிற்றென இருந்த ஒர் பெண்
அணங்கு வாய் விட்டு அழுதால் எனப் புலம்பல் உற்றாள் அரோ.

3274. என் நாயகனேயோ என் இரு கண்மணி யே யோ என்னை ஈன்றான்
தன் ஆவி அன்ன தனி மருகாவோ முருகாவோ தார் ஆர் முல்லை
மன்னாவோ வணிகர் குல மணியே யோ விடி அரவின் வாய்ப் பட்டாயோ
உன்னாக நிழலான என்னை விடுத்து எவ்வண்ணம் ஒளிப்ப தேயோ.

3275. பொன்னாட்டின் மட வாரைப் புணர் வதற்கோ நம் அளகா புரத்து வேந்தன்
நன் நாட்டின் மடவாரை மணப்பதற்கோ உனைக் கடித்த நாகர் வேந்தன்
தன் நாட்டின் மடவாரைத் தழுவுதற்கோ என் ஆவித் தலைவா என்னை
இந் நாட்டில் இருத்தி எனை வஞ்சித்துப் போயின வாறு என்னே என்னே.

3276. தென் உலகில் புகுந்தனையோ பணிந்தனையோ மாதுலனைத் தேவியோடும்
தன் இரு தோள் உற ஆரத் தழுவினனோ நானும் உடன் சார்ந்தேன் ஆகில்
என்னுரிய குரவரையும் கண்ணாரக் காணேனோ எனை ஈங்கு இட்டாய்
பின்னுரிய பரிசனமும் கைவிட்டாய் தனி போய் என் பெற்றாய் ஐயா.

3277. வரிசை மருமகன் அரவால் விளிந்தது நான் அறை போய மனத்தோடு இங்குப்
பரிவுறலும் எனைப் பயந்தார் நோற்ற பயன் நன்றாகப் பலித்ததே யோ
பெரித வரிக் கண் கலக்கம் காணாமுன் இறந்து அன்றோ பிழைத்தார் அந்தோ
அரியதிலும் அரிய பயன் இது அன்றோ எவர் பெற்றார் அவர் போல் அம்மா.

3278. உன் காதல் மாமன் எனைப் பயந்த அன்றே உறவு அறிய உனக்கே பேசிப்
பின் காதல் மனைவியொடும் உயிர் இழந்தான் யனும் அந்தப் பெற்றியாலே
என் காதல் உயிர் போக வெற்று உடம்போ இருக்கும் உடன் இறப்பேன் என்னாத்
தன் காதல் துணை இழந்த அன்றில் என விழுந்து அழுதாள் தமியள் ஆனாள்.

3279. நன் நகர் உறக்கம் நீங்கி நடுக்கம் உற்று அழுங்கக் காழித்
தென்னகர் ஞானச் செல்வர் சிவன் நகர் தொறும் போய்ப் பாடி
அந் நகர் அடைந்தார் ஆங்கு ஓர் அணி மடத்து இருந்தார் கேட்டு ஈது
என் என ஆள் விட்டு ஆய்ந்து கோயிலின் இடை வந்து எய்தி.

3280. கன்னி நீ யாரை உற்றது என் எனக் கன்னி தாழ்ந்து
தன் அரு மரபும் ஈன்றார் தம்மையும் மருகற்கு என்றே
உன்னினர் மன்றல் பேசியிறந்தது உயிர் அன்னானோடு
இந் நெறி அடைந்து ஈங்கு உற்ற நிகழ்ச்சியும் எடுத்துச் சொன்னாள்.

3281. தந்தையும் தாயும் அன்னார் தமியளாய் இரங்கும் பேதைப்
பைந் தொடி ஆவி காப்பான் பாம்பு கோள் பட்டான் மாடே
வந்தவன் ஆகம் எல்லாம் மருந்து உருவாகும் வண்ணம்
சிந்தை செய்து அருட்கண் வைத்தார் குதித்தது தீவாய் நஞ்சம்.

3282. எழுந்தனன் உறங்கினான் போல் இறந்தவன் யாரும் கண்டு
தொழும் தகை ஞான வேந்தைத் தொழுதனர் துதி செய்து ஆர்வத்து
அழுந்தினர் கன்னி அன்ன மனையவள் இன்பத் தீம்தேன்
பொழிந்து ஒரு புறத்தே கஞ்சம் பூத்த ஓர் கொம்பின் நின்றாள்.

3283. தலைவனை இறந்த போதும் தனி உயிர் பெற்ற போதும்
சிலை நுதல் காதல் மாமன் செல்வியாய் இருந்தும் தீண்டா
நிலைமையும் அன்பும் கற்பின் நீர்மையும் வியந்து நோக்கி
மலைமகள் ஞானம் உண்டார் வணிகனை நோக்கிச் சொல்வார்.

3284. வருதி நின் மரபுக்கு எல்லாம் மணிஅனாய் உன்றன் மாமன்
தரு திரு அனையாள் இன்பம் சாருநாள் துன்பம் வந்து
பெருகு நாள் அன்றி என்று உன் மெய் தொடப் பெருவள் ஈண்டே
திருமணம் முடித்துக் கொண்டு பேக எனச் செப்பலோடும்.

3285. செம் கண் ஏரு அனையான் ஐயன் திரு மொழி தலைமேல் கொண்டு
பங்கயன் படைத்த சாதி நான்கையும் பாது காப்பீர்
எம் குல வணிகர் இன்றிக் கரிகளும் இன்றி ஈங்கே
மங்கலம் முடிக்கும் வண்ணம் யாது என வணங்கிச் சொன்னான்.

3286. கன்னியை ஈன்ற ஞான்றே உனக்கு என்று உன் காதல் மாமன்
உன்னிய உறவின் உள்ளார் அறிவரே உனக்கு ஈது அன்றி
வன்னியும் கிணறும் இந்த இலிங்கமும் கரிகண் மைந்தா
இந் நிலை வதுவை செய்தி எம் உரை கடவாது என்றார்.

3287. மாசு அறு மனத்தான் காழி வள்ளலைப் பணிந்து நீரே
தேசிகர் குரவர் நட்டோர் தெய்வமும் கிளையும் என்னாப்
பேசிய வாறே வேள்வி பெற்றியான் இறீ இத்தான் வேட்ட
பாசிழையோடு தாழ்ந்து விடை கொடு பரவிப் போனான்.

3288. ஏவல் செய் ஆயத்தாரும் அடியரும் ஈண்ட ஈண்டிக்
காவல் செய் மதுரை மூதூர் குறுகித் தன் காதல் மாமன்
பூவையை மணந்த வண்ணம் கேட்டு அங்குப் புடைசூழ் சுற்றம்
யவரும் உவப்ப இன் புற்று இருந்தனன் இளங்கோ மன்னன்.

3289. தன் பெரும் தனமும் மாமன் ஈட்டிய தனமும் ஈட்டி
மன் பெரு நிதிக் கோன் என்ன வாணிகம் பெருக்கி நாய்கன்
இன் புறு காதலார்கள் இருவரும் ஈன்றகாதல்
நன் பொருள் மகிழ்ச்சி செய்ய நலம் பெற வாழும் நாளில்.

3290. மூத்தவள் சிறுவர் சால மூர்க்கராய் உள்ளார் ஏனை
மாத்தளிர் இயலினாட்கு ஓர் மைந்தன் உண்டு இவனும் அன்ன
தீத் தொழின் ஆக மன்ன சிறார்களும் அல்லல் செல்வம்
பூத்த நீள் நியமத்தூடு போய் விளையாடல் செய்வார்.

3291. முந்திய மணாட்டி மைந்தர் முகிழ் முலை இளைய பாவை
மைந்தனை ஒரு நாள் சீறி அடித்தனர் வருந்தி ஈன்ற
சந்தணி முலையாள் மாற்றாள் தனையரை வைதாள் ஈன்ற
பைந்தொடி தானும் சீறி இளையளை பழித்து வைவாள்.

3292. எந்தவூர் எந்தச் சாதி யார் மகள் யாவர் காணச்
செந்தழல் சான்றா எங்கோன் கடி மணம் செய்து வந்த
கொந்தவிழ் கோதை நீ என் கொழுநனுக்கு ஆசைப்பட்டு
வந்தவள் ஆன காமக்கிழத்திக்கு ஏன் வாயும் வீறும்.

3293. உரியவன் தீ முன்னாக உன்னை வேட்டதற்கு வேறு
கரி உளதாகில் கூறிக் காட்டு எனக் கழற லோடும்
எரி சுட வாடிச் சாய்ந்த இணர் மலர் கொம்பில் சாம்பித்
தெரி இழை நாணம் சாய்ப்ப நின்று இது செப்புகின்றாள்.

3294. அரவின் வாய்ப் பட்ட வைகல் ஆர் உயிர் அளித்த ஞானப்
புரவலர் அருளால் எம் கோன் புறம் பய நாதன் வன்னித்
தரு வொடு கிணறு காணச் செய்தனன் சாறு அம் மூன்று
கரிகளும் உள்ள என்றாள் கற்பினாள் ஒப்பிலாதாள்.

3295. மாற்று அவள் நகைத்து நன்று நின் மன்றல் வேள்விக்
ஏற்றன கரியே சொன்னாய் இங்கு உமக்கு கரிகள் மூன்றும்
தோற்ற மேல் அதுவும் மெய்யே என்றன தோகை யோடும்
வேற்றுமை இலாத சாயல் இளையவள் விழுமம் கூரா.

3296. வெவ் உயிர்ப்பு எறிய இல் போய் மெல் விரல் நெரிக்கும் கையால்
அவ் வயிறதுக்கும் வீழும் கண்புனல் வெள்ளத்து ஆழும்
கொவ்வை வாய் துடிக்கு நாணம் தலைக் கொளும் கூசும் மன்னோ
தெய்வமே ஆவாய் என்னும் என் செய் கேன் சிறியேன் என்னும்.

3297. தாதை தாய் இறந்த அன்றே தமியளாய் இங்குப் போந்த
பேதையேற்கு யார் உண்டு ஐய பேதுறும் வணிகற்கு அன்று
மாதுலன் ஆகி ஞாதி வழக்கு அறுத்து உரிமை ஈந்த
நாதனே ஏது இலாள் வாய் நகையினில் காத்தி என்னா.

3298. அன்று இரவு உண்டி இன்றித் துயில் இன்றி அழுங்கிப் பின் நாள்
பொன் திணி கமல வாவிப் புண்ணியப் புனல் தோய்ந்து அண்டர்
நின்று இழி விமானக் கோயில் நிரம் பிய அழகர் முன்னாச்
சென்று இரு தாளில் வீழ்ந்து தன் குறை செப்பி வேண்டும்.

3299. அன்று எனைக் கணவன் வேட்ட இடத்தினில் அதற்குச் சான்றாய்
நின்ற பைந்தருவும் நீயும் கிணறும் அந்நிலையே இங்கும்
இன்று வந்து ஏது இலாள் வாய் நகை துடைத்து எனைக் காவாயேல்
பொன்றுவல் என்றாள் கற்பின் புகழினை நிறுத்த வந்தாள்.
3300. அல்லல் உற்று அழுங்கி நின்றாள் பரிவு கண்டு அம் தண் கூடல்
எல்லை இல் கருணை மூர்த்தி அருளினால் எவரும் காணத்
தொல்லையின் படியே அன்னாள் சொல்லிய கரிகள் மூன்றும்
ஒல்லை வந்து இறுத்த கோயில் உத்தர குணபால் எல்லை.

3301. அன்ன போது இளையாள் மூத்தாள் கொண்டுபோய் ஆலவாய் எம்
முன்னவன் திருமுன் தாழ்ந்து காட்டுவாள் முகில் தோய் சென்னி
வன்னி ஈது இலிங்கம் ஈது கிணறு ஈது என்று மன்றல் சான்றாய்த்
துன்னிய என்றாள் கண்டாள் முடித்தலை தூக்கி நின்றாள்.

3302. அவ் இடைத் தருவும் நீரும் அன்றுபோல் இன்றும் சான்றாய்
இவ்விடைப் பட்ட என்ன அதிசயம் எவர்க்கும் தேறாத்
தெய்வமும் எளிவந்து அங்கைக் கனி இனித் திருவின் அன்னாள்
கைவ் வசப் பட்டது என்றால் கற்பினுக்கு அரிதே அம்மா.

3303. மங்கை தன் கற்பும் ஈசன் இடத்து அவள் வைத்த அன்பும்
அங்கணன் அவட்குச் செய்த அருளையும் வியந்து நோக்கி
மங்கல நகரார் எல்லாம் மகிழ்ச்சியுள் ஆழ்ந்தார் முல்லைத்
தொங்கலான் முது மணாட்டி ஒருத்தியும் துன்பத்து ஆழ்ந்தாள்.

3304. மேதகு வணிகர் மூத்த வினைக் கொடியாளைப் பொல்லாப்
பாதகி இவளாம் என்று பழித்தனர் படிறு பேசிக்
கோது அறு குணத்தினாளைக் குடிப் பழுது உரைத்தாய் நீ என்
காதலி ஆகாய் என்று கணவனும் தள்ளி விட்டான்.

3305. அந்நிலை இளையாள் கேள்வன் அடியில் வீழ்ந்து இரப்பாள் ஐய
என்னது கற்பை இன்று நிறுத்தினாள் இவண் மாற்றாளன்
அன்னை இலாதேற்கு அன்னை ஆயினாள் இவளும் யானும்
இன் உயிர் உடல் போல் வாழ்வோம் எனத் தழீத் தம்மின் நட்டார்.

3306. உடம்பினால் இரண்டே அன்றி உயிர்ப் பொருள் இரண்டு அற்று உள்ளம்
மடம் படு அழுக்காறு அற்று மைந்தரும் அனையர் ஆக
விடம் படு மைவாய் நாகம் விழுங்கிரை ஒத்துத் தம்மில்
இடம் படு அன்புற்று இன்புற்று இருவரும் இருந்தார் மன்னோ.

3307. அருந்ததி அனையாள் கேள்வற்கு ஆயுளும் ஆனாச் செல்வம்
பெருந்தன நிறைவும் சீரும் ஒழுக்கமும் பீடும் பேறு
அரும்தவ நெறியும் குன்றத் தருமமும் புகழும் பல்க
இருந்தனள் கமலச் செல்வி என்ன வீற்று இருந்து மன்னோ.

3308. பொன் அவிர் கமலம் பூத்த பொய்கை சூழ் ஆலவாய் எம்
முன்னவன் விளையாட்டு எல்லை கண்டு யார் மொழிய வல்லார்
இன்னமும் அளவின்று என்ப எம் குரு நாத சாமி
சொன்னவாறு உங்கட்கு எண் எண் காதையும் சொன்னேன் அம்ம.

3309. என்று தென் மலை மேல் இருந்த மாதவத் தோன் இன் அருள் குருபரன் தனையும்
அன்று அவன் திருவாய் மலர்ந்த வாசகமும் அருள் கனிந்து ஒழுக உள்ளடக்கித்
தென்தமிழ் ஆலவாய்த் தனிப் பதியைச் சென்னிமேல் பன்னிரண்டு உம்பர்
ஒன்ற வைத்து இமையா அம் கயல் கண்ணி உடன் உறை ஒருவனை நினைந்தான்.

3310. பரவசம் அடைந்து வழி கவர்ந்து உண்ணும் பழிப் புல வேடர் போய் ஒளிப்ப
இருள் வெளி கடந்து திருவருள் வழிச் சென்று எண் இலாச் சரா சரம் அனைத்தும்
புரை அற நிறைந்து காட்சி காண் பான் புதைபடத் தனித்த பூரணமாய்
உரை உணர்வு இறந்த உண்மை ஆனந்த உணர்வினை உணர்வற உணர்ந்தான்.

வன்னியும் கிணறும் இலிங்கமும் அழைத்த படலம் சுபம்

அடுத்த பதிவு நரியை பரியாக்கி பிட்டுக்கு மண்சுமந்த படலம்

மீனாட்சி அம்மன் கோவில் படங்கள் - மூலிகை ஓவியங்கள்

2008-09-27T11:21:00.001+05:30

மூலிகை ஓவியப்படங்கள் - 4

மீனாட்சி அம்மன் கோவில் பொற்றாமரை குளக்கரையில் வரையப்படும் மூலிகை ஓவியங்களை காட்டும் தொடர்.

தாருகா வனத்து முனிவர்கள் நடத்திய வேள்வி

தாருகா வனத்து முனிவர்கள் சிவபெருமானை நிந்தித்து ஒரு பெருவேள்வி நடத்தினர். சிவனார் பிச்சாடனர் வேடமேற்று பிச்சை எடுக்க முனிவர்களில் இல்லங்களுக்குச் சென்றார். முனி பத்தினிகள் தம்மை மறந்து பிச்சாடனராகிய சிவபெருமான் பின்னே செல்லலாயினார். இதனால் வெகுண்ட முனிவர்கள் வேள்வித்தீயில் மதயானை, முயலகன், உடுக்கை, மான், தீப்பிழம்பு என்பவற்றைத் தோற்றுவித்து சிவன்பால் ஏவினர். சிவனார் மதயானையைக் கொன்று, அதன் தோலை அணிந்தார் மற்றவைகளைத் தானே தரித்துக் கொண்டு முயலகன் மீது வலது காலை ஊன்றி இடது காலைத் தூக்கி நடனமாடி, முனிவர்களுக்கு உண்மையை உணர்த்தினார். இதுவே ஆராதிரா தரிசனம் என்று சொல்லப்படுகின்றது. நன்றி : விக்கிபீடியா.

பிக்ஷாடான மூர்த்தி: சிவனின் ஒரு ஸ்வரூபமான இவரும் இங்கே கோயில் கொண்டிருக்கிறார். ரிஷி, முனிவர்களின் பல்வேறுவிதமான கோரிக்கைகளுக்காகவும், செயல்களுக்ககவும் பல்வேறு ரூபங்களில் அவ்வப் போது சிவன் எடுத்த ஸ்வரூபங்களில் ஒன்று தாருகா வனத்து ரிஷிகளுக்கக அவர் எடுத்த பிக்ஷாடன ஸ்வரூபம். தாருகாவனத்து ரிஷிகளுக்காக சிவன் பிக்ஷாடனக் கோலத்திலும், விஷ்ணு மோகினிக் கோலத்திலும் நடனம் ஆடி ரிஷிகளின் அகம்பாவத்தைத் தகர்த்தனர். முதன்முதல் சிவன் பிக்ஷாடனக் கோலத்தில் தான் நடனம் ஆடியதாயும் அதுவும் தாருக்கவன ரிஷிகளுக்கு முக்தி கொடுப்பதற்காகவும், அதன் பின்னரே சிதம்பரம் சித்சபையில் பதஞ்சலி முனிவர், வ்யாக்ரபாதர் போன்றவருக்காக ஆடியதாயும் சொல்லப் படுகிறது. தெற்கே பார்த்து பிக்ஷாடனர் கோயில் கொண்டிருக்கிறார்.

நன்றி : http://www.thevaaram.org/

தற்போது குடமுழுக்கு வேலைகள் நடந்து வருகின்றது. கோவிலின் நெடிய கோபுரமான தெற்க்கு கோபுரம் தென்னங்கீற்றுகளால் மூடப்பட்டுள்ள காட்சி.

அடுத்த பதிவு மூலிகை ஓவியத்தில் வன்னிமரம், சாட்சிக் கிணறு மற்றும் இலிங்கம்.

மீனாட்சி அம்மன் கோவில் - மூலிகை ஓவியங்கள்

2008-09-26T11:23:00.000+05:30

மூலிகை ஓவியப்படங்கள் - 3

தேவேந்திர சாபவிமோசனம் - ஐராவத விமோசனம்

மீனாட்சி அம்மன் கோவில் பொற்றாமரை குளக்கரையில் வரையப்படும் மூலிகை ஓவியங்களை காட்டும் தொடர்.

தேவராஜன் இந்திரன், பிரம்ம ரிஷி பட்டம் பெற்ற வசிஸ்டர் கொடுத்த மாலையை ஐராவதத்தின் மீது வைத்து முனிவரை அவமதிக்கிறான், இச்செயலால் கோபபட்ட முனிவர் ’இந்திர பதவியை இழந்து வனத்தில் திரிய கடவது’ என்று சாபமிட, தான் செய்த வினைகளுக்கு பரிகாரமாக கடம்பவனத்தில் இருக்கும் சொக்கநாதருக்கு இந்திர விமானத்தை நிர்மானித்து, வணங்கி வர தான் சாபவிமோசனம் அடைகிறான். அதை காட்டும் காட்சிகள்.

இச்செயலுக்கு துணை சென்ற ஐராவத யானையும் தன் பாவங்களை தீர்க்க கடம்பவனத்தில் சொக்கநாதரை வணங்கும் காட்சி.

சொக்கநாதரை பற்றி ஆதி வாசிகளின் வாயிலாக கேட்ட ஐராவதம் சொக்கநாதரை வழிபட்டு கடைசியில் தேவராஜனை அடையும் காட்சி. (மேலிருந்து நான்காவது வரிசை, மூன்றாவதி கட்டம்)

அடுத்த பதிவு. தாருகா வனத்து ரிஷிகள் ஏவியது

மீனாட்சி அம்மன் கோவில் படங்கள்,

2008-09-18T17:33:00.005+05:30

முந்தைய பதிவில் திக் விஜய காட்சியை மூலிகை ஓவியத்தில் காட்டியிருந்தேன். யார் யாரென தெரியவில்லை என்று என்னுடைய நன்பர்கள் கேட்க அதை விவரிக்க இப்பதிவு.

திக் விஜய நாளன்று இந்த காட்சி மதுரை மாசி விதிகளில் நடக்கும். அம்மன் சந்நிதி - கீழ மாசி வீதி சந்திப்பில் - சூரிய பகவான், கீழ மாசி வீதி - தெற்க்கு மாசி வீதி சந்திப்பில் (மஹால் வடம் போகி தெருவில்) - அக்னி பகவான், தென்திருவாலவாய் சுவாமி கோவில் வாசலில் - எம தருமன், தெற்கு - மேற்கு மாசிவிதி சந்திப்பில் - பித்ரு, மேல மாசிவிதி திண்டுக்கல் ரோடு சந்திப்பில் - வருண பகவான், மேற்கு - வடக்கு மாசி வீதி சந்திப்பில் - வாயு தேவன், வடக்கு கிருஷ்ணன் கோவில் அருகில் - குபேரன் மற்றும் வடக்கு மாசி வீதி - கீழ மாசி வீதி சந்திப்பில் - ஈசானன். பின் கீழமாசி வீதியில் சொக்கநாத பெருமானுக்கும், மீனாட்சி அம்மனுக்கும் நேர் எதிர் நடக்கும் திருக்காட்சி கண்கொள்ளா காட்சி.

அதே போன்ற அனைத்து வித கடவுளரும் வரும் ஒரு ஓவியம். அழகாக படமாக்கியுள்ளார் பிரபு என்ற கலைஞர்.

சூரிய பகவான் - மேலிருந்து மூன்றாவது வரிசையில் - இடமிருந்து இரண்டாவது கட்டம்.
அக்னி பகவான் - மேலிருந்து நான்காவது வரிசையில் - இடமிருந்து முதலாவது கட்டம்.
எம தருமன் - மேலிருந்து நான்காவது வரிசையில் - இடமிருந்து இரண்டாவது கட்டம்.
பித்ரு - மேலிருந்து நான்காவது வரிசையில் - இடமிருந்து மூன்றாவது கட்டம்.
மழை கடவுளான வருண பகவான் - மேலிருந்து நான்காவது வரிசையில் - இடமிருந்து கடைசி கட்டம்.
வாயு தேவன் - மேலிருந்து ஐந்தாவது வரிசையில் - இடமிருந்து முதலாவது கட்டம்.
குபேரன் - மேலிருந்து ஐந்தாவது வரிசையில் - இடமிருந்து இரண்டாவது கட்டம்.
மற்றும்
ஈசானன் - மேலிருந்து ஐந்தாவது வரிசையில் - இடமிருந்து மூன்றாவது கட்டம்.

என்ற அஷ்ட திக்கு பாலகர்களை மூலிகை ஓவியத்தில் திக்கு விஜயம் செய்யும் காட்சியை காண கண் கோடி வேண்டும்.

மீனாட்சி அம்மன் கோவில் படங்கள் - மூலிகை ஓவியங்கள்

2008-09-18T17:33:00.004+05:30

அன்னை அரசியாக முடிசூடி, எட்டு திக்கிலும் திக் விஜயம் செய்து, வெற்றி கண்டு, ஐயனை சுந்தரேஸ்வரராக கல்யாணம் கோலம் கொண்டு அருளும் அருட்காட்சி மூலிகைஓவியமாக.

வேத விற்பன்னர்கள் மந்திரம் முழங்க - அரசியாக அன்னையை முடிசூடி ஆனந்திக்கும் வானோர்கள்.

எட்டு திக்கில் வென்ற அன்னை கைலாயத்தை நோக்கி முன்னேறும் காட்சி

பவளக்கனிவாய் அன்னல், அண்ணனாக தாரை வார்த்து தர. அம்மையும் அப்பனும் கல்யாண கோலம் தந்தருளும் காட்சி.

அடுத்த பதிவில் மூலிகை ஓவியத்தில் தேவேந்திரன் வணங்கி சாபவிமோசனம் பெற்ற காட்சி.

மீனாட்சி அம்மன் கோவில் படங்கள் - மூலிகை ஓவியங்கள்

2008-09-18T11:37:00.000+05:30

அருள்மிகு மீனாட்சி சுந்தரேஸ்வரர் கோவில், பொற்றாமரை குளக்கரையில் அம்மையப்பனின் திருவிளையாடல்கள், மற்றும் பல நிகழ்வுகள் காலத்தால் அழிக்க முடியாத வகையில் மூலிகை ஓவியங்களாக வரையப்பட்டு வருகின்றன. (படங்களை சொடுக்கினால் பெரிதாகும்)

தற்ச்சமயம் சில படங்கள் திறக்கப்பட்டு காட்சிக்கு வைக்கப்பட்டுள்ளது! அதில் சிலவற்றை படங்களாக இணையத்தில் வலம் வந்து கொண்டிருக்கின்றது அவற்றில் சில உங்கள் பார்வைக்கு.

முதலில் கணேசனின் திருவுருவம்.

அருள்மிகு மீனாட்சி அம்மன் கோவிலை முழுமையாக கொண்ட ஒரு மூலிகை ஓவியம். மீனாட்சி அம்மன் & சுந்தரேஸ்வரர் சந்நிதிகள், பொற்றாமரை குளம், பெரிய மற்றும் சிறிய கோபுரங்கள் என்று முழுமையாக கோவிலையே தரிசித்து விடலாம்.

இப்படம் கடந்த 2000ஆம் ஆண்டு அக்டோபர் மாதம் எட்டாம் தேதி திறந்து வைக்கப்பட்டது. இதை அங்கிருக்கும் கல்வெட்டுக்களும் கூறுகின்றன.

மேலும் மூலிகை ஓவியப்ப படங்கள் அடுத்து வரும் பதிவுகளில்

மீனாட்சி அம்மன் கோவில் படங்கள் - இந்திர விமானம்

2008-09-15T11:38:00.000+05:30

எத்தனையோ படங்களை மனற்கேணி என்ற இவ்வலைப்பூவில் வலையேற்றியுள்ளேன், ஆனால் இது போன்றதொரு காட்சி அதிலும் சரி, வேறெங்கும் சரி காணக்கிடைக்காதது! அருமையாக படமாக்கி இருந்தார் சுரேஷ் என்ற ஒரு கலைஞர். பொற்றாமரை குளத்தின் நடைபாதையில், சமயக்குரவர்கள் நால்வர் படம் வரையப்பட்ட இடத்திலிருந்து கண்டால் இந்த அரிய காட்சி காணலாம். நீங்களும் காண இதோ.

தேவேந்திரன் நிர்மானித்த இந்திர விமானம்.

திருச்சிற்றம்பலம்

நீல மாமிடற், றால வாயிலான்
பால தாயினார், ஞாலம் ஆள்வரே.
1.94.1
ஞால மேழுமாம், ஆல வாயிலார்
சீல மேசொலீர், காலன் வீடவே.
1.94.2
ஆல நீழலார், ஆல வாயிலார்
கால காலனார், பால தாமினே.
1.94.3
அந்த மில்புகழ், எந்தை யாலவாய்
பந்தி யார்கழல், சிந்தை செய்ம்மினே.
1.94.4
ஆட லேற்றினான், கூட லாலவாய்
பாடி யேமனம், நாடி வாழ்மினே.
1.94.5
அண்ணல் ஆலவாய், நண்ணி னான்றனை
எண்ணி யேதொழத், திண்ணம் இன்பமே.
1.94.6
அம்பொன் ஆலவாய், நம்ப னார்கழல்
நம்பி வாழ்பவர், துன்பம் வீடுமே.
1.94.7
அரக்க னார்வலி, நெருக்க னாலவாய்
உரைக்கு முள்ளத்தார்க், கிரக்கம் உண்மையே.
1.94.8
அருவன் ஆலவாய், மருவி னான்றனை
இருவ ரேத்தநின், றுருவ மோங்குமே.
1.94.9
ஆரம் நாகமாம், சீரன் ஆலவாய்த்
தேர மண்செற்ற, வீர னென்பரே.
1.94.10
அடிகள் ஆலவாய்ப், படிகொள் சம்பந்தன்
முடிவி லின்றமிழ்ச், செடிகள் நீக்குமே.
1.94.11

இத்தலம் பாண்டிநாட்டிலுள்ள, மதுரை.
சுவாமிபெயர் - சொக்கநாதசுவாமி, தேவியார் - மீனாட்சியம்மை.

திருச்சிற்றம்பலம்

நன்றி : சைவம்.ஆர்க்

மீனாட்சி அம்மன் கோவில் படங்கள் - மாதிரிகள்

2008-09-13T18:40:00.000+05:30

இன்று ஒரு சில புதிய படங்கள் காணகிடைத்தது. உங்களோடு பகிர்ந்து கொள்ள ஒரு தொடராக ஆரம்பிக்கிறேன்.

ஓளிவிளக்குகளால் அலங்கரிக்கப்பட்ட மீனாட்சி அம்மன் கோவிலின். இதுபோன்ற படங்கள் நேரில் காணும் அனுபவத்திஅ தரும்.
மேலும் ஒரு படம் கீழே இருக்கும் ஒரு மாதிரியை சொடுக்கி பார்த்தால் அதன் தனித்துவம் தெரியும், ஆடி வீதிகளில் அசைந்தாடும் தங்கத்தேரின் மாதிரியையும் செய்திருப்பர் (வலது ஓரத்தில்).
மேலும் சில கோவில் படங்கள் அடுத்த பதிவில்.

மீனாட்சி அம்மன் கோவில் படங்கள்

2008-09-13T14:50:00.007+05:30

அருள்மிகு மீனாட்சி சுந்தரேஸ்வரர் கோவிலை வலம் வர அப்படியே பார்த்து கொண்டிருங்கள். என் கோப்பில் இருக்கும் ஏறத்தாழ 300 படங்கள் உங்கள் கண்முன்னே வந்தபடி இருக்கும். ஒரு படம் இரு வினாடிகள் தெரியும், எல்லா படமும் காண ஏறத்தாழ 10 நிமிடமாகும்.

ஆவணிமூல திருவிழா

2008-09-12T09:13:00.003+05:30

ஆவணி மூல திருவிழா - கடைசி நாள்

2008-09-12T08:48:00.000+05:30

விறகு வாங்கலியோ வெறகு.

மாணிக்கம் விற்றவர், வளையல் விற்றவர், இதோ விறகும் விற்க வந்து விட்டார்.

களைப்பு தெரியாமல் இருக்க யாழை மீட்டியும், நம் களைப்பை போக்கவும் வந்து அருள்பாலித்த காட்சி.

ஆவணி மாதம் 26ஆம் நாள்(11/09/2008) நடந்த விறகு விற்ற லீலை இத்துடன் ஆவணி மூல திருவிழா நிறைவடைகிறது.

பாத்தா பசுமரம் படுக்கவெச்சா நெடுமரம்
சேத்தா வெறகுக்காகுமா ஞானத் தங்கமே
தீயிலிட்டா கரியும் மிஞ்சுமா ஞானத் தங்கமே
தீயிலிட்டா கரியும் மிஞ்சுமா

அன்புள்ள அனைவருக்கும்,
இத்துடன் அருள்மிகு மதுரை மீனாட்சி அம்மன் கோவில் ஆவணி மூல திருவிழா நிறைவடைகிறது. அடுத்த திருவிழாவான நவராத்திரி வரும் புரட்டாசி மாதம் 14ஆம் நாள் (30/09/2008) தொடங்கி புரட்டாசி மாதம் 23ஆம் நாள்(9/10/2008) வரை நடக்கவுள்ளது அதையும் பதிக்க ஐயன்/அம்மன் திருவுள்ளம் கொள்ள வேண்டி நிற்க்கும் அடியவன்.

இப்பதிவு தொடரை வந்து பார்த்து படித்த அனைவருக்கும் நன்றி.
சிவமுருகன்.

ஆவணி மூல திருவிழா - ஒன்பதாம் நாள்

2008-09-11T09:23:00.001+05:30

ஆவணி மாதம் 25ஆம் நாள்(10/09/2008) நடந்த பிட்டுக்கு மண்சுமந்த லீலை.

கரையை கடக்க செய்பவன் கரையை அடைக்க வந்த காட்சி. ஈசனே மதுரையின் வைகைகரையை அடைத்து சமன் செய்த காட்சி. தங்க கூடை சுமந்து, தங்க மண்வெட்டி தரித்து, அருட்காட்சியளிக்கும் சொக்கநாத பெருமான்.

(நவராத்திரிநாளில் ஒரு மண்சுமந்த அலங்காரம்)

இன்று ஆவணி மாதம் 26ஆம் நாள்(11/09/2008) விறகு விற்ற லீலை இன்றே ஆவணி மூல திருவிழா நிறைவடைகிறது.

ஆவணி மூல திருவிழா - எட்டாம் நாள்

2008-09-10T10:08:00.001+05:30

ஆவணி மாதம் 24ஆம் நாள்(09/09/2008) நடந்த நரியை பரி(குதிரை)யாக்கிய லீலை.

குதிரை வாங்க திருவாதவூரிலிருந்து மதுரைநோக்கி வரும் மாணிக்கவாசகர்
நரிகளை பரியாக்கும் சொக்கநாதர் பெருமான்
இன்று ஆவணி மாதம் 24ஆம் நாள் காலை நடக்கும் பிட்டுக்கு மண் சுமக்கும் திருவிளையாடலை காணவும் விழாவை சிறப்பிக்கவும் வருகை தரும் திருப்பரங்குன்றத்து குமரன்.

ஆவணி மூல திருவிழா - ஏழாம் நாள்

2008-09-09T10:32:00.002+05:30

ஆவணி மாதம் 23ஆம் நாள்(08/09/2008) நடந்த வளையல் விற்ற லீலை.

ஆவணி மூல திருவிழா - ஆறாம் நாள்

2008-09-09T10:32:00.001+05:30

ஆவணி மாதம் 22ஆம் நாள்(07/09/2008) நடந்த பாணனுக்கு அங்கம் வெட்டிய லீலை

ஆவணி மூல திருவிழா - ஐந்தாம் நாள்

2008-09-09T10:32:00.000+05:30

ஆவணி மாதம் 21 ஆம் நாள்(08/09/2008) நடந்த உலவாக்கோட்டையருளிய லீலை

ஆவணி மூல திருவிழா - நான்காம் நாள்

2008-09-09T10:31:00.000+05:30

ஆவணி மாதம் 20ஆம் நாள்(05/09/2008) நடந்த தருமிக்கு பொற்கிழி அளித்த லீலை.

ஆவணி மூல திருவிழா - மூன்றாம் நாள்

2008-09-09T10:29:00.000+05:30

ஆவணி மாதம் 19 ஆம் நாள்(04/09/2008) நடந்த மாணிக்கம் விற்ற லீலை

ஆவணி மூல திருவிழா - இரண்டாம் நாள்

2008-09-09T10:27:00.000+05:30

ஆவணி மாதம் 18ஆம் நாள்(03/09/2008) நடந்த நாரைக்கு முக்தியளித்த லீலை

ஆவணி மூல திருவிழா - முதல் நாள்

2008-09-09T10:26:00.000+05:30

ஆவணி மூல திருவிழா பற்றி திருவிளையாடற் புராணம் மிக அருமையாக சொல்கிறது.

இறைவனே மதுரையில் செய்த பல ஆடல்களை திருவிளையாடல்களாக காட்டும் ஒரு படங்கள் நீங்களும் காண, இங்கே இடுகிறேன். வழக்கமாக படங்கள் இணைய தொகுப்பே.

பிட்டுக்கு மண் சுமந்தது கோவில் சிற்பம்.

ஆவணி மாதம் 17ஆம் நாள்(02/09/2008) நடந்த கருங்குருவிக்கு உபதேசம் செய்த லீலை

நாரைக்கு முக்தி அளித்த படலம்

2008-08-30T17:50:00.001+05:30

உலகில் கண் இருக்கும் எவ்வுயிர்க்கும் நற்கதி தரும் தெய்வமாம் ஈசனை தியானித்தால், எக்கதி விருப்பமோ, அக்கதி அவன் அருள் தருவான்!

உலகின் பழிக்கு அஞ்சி, அப்பழி இனி உலகில் ஏற்படாவண்ணம் வாழச்செய்யும் ஜீவன் உலகில் மிகவும் அரிதிலும் அரிது. அப்பேற்பட்ட ஒரு ஜீவன் தான் தாமரை வண்ண கால்களும், நிலா நிறம் கொண்ட சிறகுகளை பெற்ற ஒரு நாரை.

மதுரையம்பதியிலே ஒரு வனம், அந்த வனத்தில் குளிர் தருவும், தரு தரும் நிழலும், நிழலருகில் இருக்கும் சென்பக மலர் வீசும் அச்சோ என வழங்கப்பெறும் குளிரோடையும், காணும் இனத்தையெல்லாம் ஈர்த்தது. ரிஷி முனிகள் அக்குளக்கரையில் குடிலமைத்து தவம் செய்தனர், புழு பூச்சிகள் அருகில் இருந்த மரங்களை நாடியும், மரங்கள் குளத்திலிருக்கும் நீர்நிலைகளை நாடியும், மீன்கள், நீர்வாழ் உயிரினங்கள், பறவையினங்கள் என பல இனங்கள் தம்மோடு கூடி அவ்வனத்தில் வாழ்ந்து வந்தன.

முனிவர்கள் தவத்தாலும் கொல்லாமை – புலால் உண்ணாமை என்பது ஏனோ ஓர் இளநாரைக்கும் தொற்றியது. தவசீலர்கள் நீராடும் சமயம் அவர் உடல் தீண்டும் சுகம் பெற்ற கயலினங்கள் எத்தவம் செய்தனவோ அவை உண்டு தாம் எப்பிறவி எடுக்க வேண்டுமோ என நாரை அஞ்சத் தொடங்கிற்று.
தன் எண்ணத்தின் பால் வீறும், பற்றும், திடமும் கொண்ட நாரையும் வாய்பெய்து கவ்வும் தன்மையை விடுத்து நீறும், புல்லும் உட்கொண்டு வாழ்ந்தது. இதுகாரும் தான் செய்த நோம்பினால் கரிகுருவிக்கு உபதேசித்த இறைவன் சொக்கநாதர் பெருமை அங்கிருந்த முனிவர் வாயிலாய் கேட்க கிட்டியது, இறைவன் செய்து வந்த லீலைகளை அவ்வேதியர் சொல்ல கேட்டது, நாரை.

தாமும் தம் குலமும் தழைத்தோங்க, அந்நாதனை பணிய முற்பட்டு, கடம்பவன க்ஷேத்திரத்தை அடைந்தது சிவந்த கால்களையும், பால் நிறம் கொண்ட அந்நாரை. அறியாமையை போக்கும் புண்ணிய பூமியாம், திருவாலவாயென்னும் இத்தலம் அகன்று நின்றமாடங்கள் நிறைந்த ஒப்பற்ற பதி. அஞ்ஞனம் வந்திருங்கிய நாரையானது வேழம் தாங்கிய விமனத்தை கண்டும், பொற்றாமரை கொண்ட குளத்தையும் கண்டு சிலிர்த்தது.

மூவைந்து தினங்கள் பொன் தாமரை தடாகத்தில் நிறாடி, சொக்கரையும், உமையாளையும் வலம் வந்து கொண்டிருந்த சமயம், தான் பிறவிப்பிணியினால் அக்குளத்து கயல்களின் பால் ஈர்த்து தன் பசியார நினைத்தது.

அச்சமயமே, ஈசன் கொண்ட திருவுள்ளத்தினால், தாம் எண்ணிய எண்ணத்தை வருந்தி ஈசனிடம் சிரம் தாழ்த்தி அவரடி தொழுதது. அவரடியில் இரு துணைமலரென்னும் தாமரையை வைத்து வணங்கியது. அதில் மகிழ்ந்த ஈசனாரும் அதன் முன் அது கேட்ட உருவில் தோண்றி “வேண்டும் வரம் இயம்புக” என்றார்.

இறைவனை தனெதிரில் கண்ட நாரையும், “ஈசனை தொழுது, சிவலோகத்தில் மேவி நான் உய்ய வேண்டும், மேலும், வள்ளலே இத்தாமரைக் குளம், மிகவும் புண்ணியக் குளம், இக்குளத்து கயல்களை யாதொரு எம்மரபினரும், பிற உயிரிகளும் உண்ண நேரிடின் சொல்லொன்னா பாவம் வந்து சேரும் ஆதலினால் இக்குளத்தில் நீர்வாழ்வாதார உயிரிகளற்று இருக்க கடவது,” என்று வேண்டினன்.

ஞாலத்து வெள்ளியை (நிலவை) தாங்கியவரும், ஆலவாய் வெள்ளியம்பல நாயகனுமான ஐயனும் “எஞ்ஞான்றும், இத்தடாகத்தில் மின்கள் இல்லையாகுமாறு” எனவும், அந்நாரைக்கு தன்கதி தரவும் அருளினான்.

ஐந்து துந்துபி வாத்தியங்கள் முழங்க, தேவ விமானத்தின் மீதேறி தாம் ஈசனிடத்தில் வேண்டிய சிவகதி அடைந்தது நாரை.

தனக்கு நற்கதி கேட்ட குருவிக்கு மந்திர உபதேசம் செய்து முக்திக்கு வழிகாட்டிய நாதன், தன் இனத்திற்க்கும், பிற இனத்திற்க்கும் நற்பெறும் படி செயலாற்றிய நாரைக்கு சிவலோக பதவியளித்தான்.

இன்றும் பொற்றாமைரை குளத்தில் மலர் இருக்கும், நீர்வாழ் தாவரங்கள் இருக்கும், ஆனால் மீனோ, புழுவோ! இருக்காது, ஆகவே மீனிற்க்கு பொறியிடும் வழக்கமும் இக்குளத்தில் இல்லை. இதுவும் ஆலவாயப்பனின் திருவிளையாடல்.

48வது திருவிளையாடலான நாரைக்கு முக்தியளித்த படலம் முடிந்தது.
சுபம்

குருவிக்கு உபதேசம் செய்த படலம் - கடைசி பகுதி

2008-08-29T10:24:00.004+05:30

முதல் பகுதி

பாண்டிநாட்டில் “திருவாலவாயென்னும்” க்ஷேத்திரமுண்டு அதை தான் யாம் சொல்கிறோம்! என்று தொடர்ந்த முக்கியஸ்த்தன் மேலும் கூறலானான் "பேரன்பர்களே! உலகில் இந்த மூர்த்தியோ பெரும் கீர்த்தி பெற்றது, தீர்த்தமோ தங்கமயமானது! தலமோ தேவாதி தேவர்களும், ரிஷிமுனிகளும், வந்து வணங்கப்பெற்றது!. ஈசனின் மொத்த கருணையும் இத்தலத்திற்க்கு பாத்தியமுண்டு! வருணன் தாக்கிய நகரை கருணாமூர்த்தி காத்த தலம் இத்தலம்!”(தலம்) “நெற்றி கண் திறப்பினும் குற்றம் குற்றமே என்று வதிட்ட கீரனின் தீப்புண் போக்கிய தீர்த்தம் இத்தீர்த்தம்” (தீர்ர்த்தம்) “பிரம்மஹத்தி தோஷம் தீர இந்திரன் வழிபட்ட மூர்த்தி இம்மூர்த்தி (மூர்த்தி)” ஆக மூர்த்தி தலம் தீர்த்தம் என்று எவ்வகை தொழவும், இறைசார் பிராத்தனையும் இங்கே இவ்விடத்து உண்டு, இத்தலம் வானவர் அனைவருக்கும் அளிக்கும் வரங்கள் பிறரும் அறியும் வண்ணம் அது உள்ளங்கை நெல்லியாம்! என முடிக்கவும் பொழுது பொல பொலவென விடியவும் சரியாக இருந்தது.

வழிப்போக்கர் அனைவரும் அங்கிருந்த தடாகத்தில் சந்தியா வந்தனம் செய்து, தத்தமது வழிபார்த்து செல்லலானர்!

இதுகாரும் ஆலமரதடியில் நடந்த உரையாடலைக் கேட்டபடி மரத்தில் இருந்த குருவி, தன் பிறவிபிணி தீரும் வழி பற்றி அறிந்து திருவாலவாயன் சன்னதி நோக்கி விரைந்தது.

தன் குறை தீர தினமும் பொற்றாமரை குளத்தில் நீறாடி, மீனாட்சி அம்மனையும், சொக்கநாதரையும் வலம் வந்து கொண்டிருந்தது!
இப்படியாக மூன்று தினங்கள் நடந்தேறியது.

அக்குருவியின் பக்தியின் சிரத்தையை மெச்சிய அன்னை அங்கயர்கண்ணி தன் கணவனிடத்தில் கேட்டாள்! ஐயனே! இக்குருவி வந்ததன் நோக்கம் யாது? இதுவும் தங்களது திருவிளையாடல் தானோ எனக் கேட்டது? ஈசனும் தன் இமையாத மூன்று கண்களாலும் கருணைப் பார்வை பொழிந்து, பசிக்கு தவிக்கும் கண்றுக்கு பாலுட்டும் ஆவினை போல் ஆலவாயப்பனும் அக்குருவிக்கு சத்தியஞான மந்திரமாம், மரணத்தை வெல்லும் மந்திரமாம், மஹா மிருத்துஞ்சய மந்திரத்தை உபதேசித்தருளினார்.

ஓம் த்ரயம்பகம் யஜாமஹே ஸுகந்திம் புஷ்டிவர்தனம்
உர்வாருகமிவ பந்தனான் ம்ருத்யோர்முக்ஷீ ய மாம்ருதாத்
(மஹா நாராயண உபநிஷதம் 56-1)

மந்திரத்தின் பொருள்:
முக்கண்ணனை நான் வணங்குகிறேன். நறுமணம் மிக்கவன் அவன். நம் ஆரோக்கியத்தை (புஷ்டியை) வளர்ப்பவன் அவன். மரணத்தின் பிடியிலிருந்து என்னை விடுவித்து மரணமிலா பெருவாழ்வை தர அவனை வேண்டுகிறேன்.
(மந்திரத்தின் பொருள் உபயம் குமரன் - ஞானம் ஐயா அவர்களுது பதிவிலிருந்து)

பயம் என்பது ஒரு மனிதனை தன்நிலையிலிருந்து கீழே இட்டுவரக்கூடியது அப்பேற்பட்ட பயத்திற்க்கெல்லாம் பெரிய பயம் மரணபயம். மரணத்திற்க்கு அதிபதியான காலனையே பயங்கொள்ள செய்தது இந்த மரணபயம். அத்தகைய பயத்தை போக்க இம்மந்திரம் சொக்கநாதர் அக்கரிகுருவிக்கு உபதேசித்தார்.
உபதேசம் பெற்ற குருவியோ மிகவும் அகமகிழ்ந்து! ஈசனை போற்றி பாட ஆரம்பித்ததது

எண் இலா உயிர்க்கு இறைவ போற்றி
வான் தண் நிலா மதிச் சடில போற்றி
என் புண்ணியப் பயன் போற்றி
அமால் கயல் கண்ணி நாத நின் கருணை போற்றி.

இவ்வாறாக போற்றிபாடி இறைவனிடம் தன் குறை சொல்லியது அக்குருவி!
“இறைவா! தெளிவில்லாத மனதால் செய்த தீவினையால் இக்கதி அடைந்த என்னை ஆட்கொள்ள வேண்டும்!’ ’தம்மை ஆட்கொள்வதோடு தன் இனத்திற்க்கு எவ்வித கேடும் இன்றி இவ்வுலகில் வலம் வர வரம் நல்க வேண்டும். தம் இனத்தவர் யாவரும், எங்கும் எச்சமயத்திலும் பறந்து செல்ல வேண்டும்!’ “அங்ஙனமே நீர் எமக்கு உபதேசித்த மூவோசை கொண்ட மந்திரத்தை உறைப்பவர் தம் மரண பயத்தை போக்கி தீர்க்காயுளும் அருளவேண்டும்” என்றது.

“அவ்வாறே ஆகுக” என்ற காருண்யமூர்த்தி அக்குருவி செய்த செய்கையாலும் தன் இனத்திற்க்கே வலியை போக்கிய தன்மையாலும், இவ்வுலக பயத்தையும் போக்கு வண்ணம் வரம் கேட்ட தன்மையாலும், இஞ்ஞாலம் அதனை “வலியான்” என போற்றும் என்று அருளி மறைந்தார்!

மூவெழுத்தினால் முடிந்த மந்திரம் என்று திருவிளையாடல் புராணம் மிருத்துஞ்சய மந்திரத்தை போற்றுகிறது அதாவது, இந்த மந்திரமானது தெய்வம், இருடி, சந்தம் என்று முடிவதால் இதனை மூவெழுத்தினால் ஆன மந்திரம் என்கிறது. இதை உதாத்தம், அநுதாத்தம், சொரிதம் என்று வடமொழி இயம்புகிறது.

இம் மது ரேசன் சேவித்து ஏத்து வோர்க்கு எளியன் ஆகிக்
கைம் மலர் நெல்லி போலக் கருதிய வரங்கள் எல்லாம்
இம்மையின் உடனே நல்கும் ஏனைய தலத்து வானோர்
அம் மையின் அன்றி நல்கார் ஆதலால் அதிகன் என்றான். 8

மற்று அது கேட்டுக் கொம்பர் வைகிய கயவாய் ஞானம்
பெற்றது பறவை ஆகிப் பிறந்ததும் பிறவும் தேற்றம்
உற்றது நாம் இச் சன்மம் ஒழிப்பதற்கு அறவோன் இங்ஙன்
சொற்றதே உறுதி என்று துணிவு கொண்டு எழுந்தது அன்றே. 9

ஆய் மலர்க் கான நீங்கி ஆடக மாடக் கூடல்
போய் மலர்க் கனக கஞ்சப் புண்ணியப் புனல் தோய்ந்து ஆம்பல்
வாய் மலர்க் கயல் உண் கண்ணாள் மணாளனை வலம் செய்து அன்பில்
தோய் மலர் கழல் இனானை அகத்தினால் தொழுது அர்ச்சித்தே. 10

இன்னணம் மூன்று வைகல் கழிந்தபின் எம்பிராட்டி
தன் அமர் காதலானைத் தாழ்ந்து எதிர் நோக்கி ஐய
என்னைக் இக் கயவாய் செய்யும் செயல் இதன் வரவு யாது என்ன
முன்னவன் அதன் தன் செய்தி வரவு எலாம் முறையால் கூறா. 11

பத்திமை நியமம் பூண்ட பறவை மேல் கருணை நாட்டம்
வைத்து இமையாத முக்கண் மறை முதல் ஒரு சேய்க் கன்று
நித்திய நிலைமை நல்கி நேர்ந்த வெம் கூற்றைக் காய்ந்த
சத்திய ஞான மிருத்திஞ்சயத்தினை உபதேசித்தான். 12

உவமை அற்றவன் உரைத்த மந்திரம்
செவி மடுத்தலும் சிற்றுணர்ச்சிபோய்ப்
பவம் அகற்றிடப் படுக் கரிக் குரீஇ
கவலை விட்டரன் கழல் வழுத்தும் ஆல். 13

எண் இலா உயிர்க்கு இறைவ போற்றி வான்
தண் நிலா மதிச் சடில போற்றி என்
புண்ணியப் பயன் போற்றி அம் கயல்
கண்ணி நாத நின் கருணை போற்றி ஆல். 14

தெளிதல் இன்றியே செய்த தீமையால்
விளியும் என்னையும் ஆளல் வேண்டுமோ
எளியர் எங்கு உளார் என்று தேர்ந்து தேர்ந்து
அளியை ஆவது உன் அருளின் வண்ணமே. 15

உம்மை நல் அறம் உடைய நீர்மையால்
இம்மை இம் மனு இயம்பினாய் இது
அம்மை நல் நெறிக்கு ஏது ஆதலான்
மும்மையும் நலம் உடைய மொய்ம்பினேன். 16

ஆயினும் எனக்கு ஐய ஓர் குறை
தீய புள் எலாம் ஊறு செய்து எனைக்
காயும் மனமும் கழியக் கண்ட பேர்
ஏ எனும் படிக்கு எளியன் ஆயினேன். 17

என்ன அக் குரீ இயம்ப எம்பிரான்
அன்ன புட்கு எலாம் வலியை ஆகெனப்
பின்னும் அக் குரீஇ தாழ்ந்து பேதை யேற்கு
இன்னும் ஓர் வரந் தருதி என்றதால். 18

வலியை என்பது என் மரபினுக்கு எலாம்
பொலிய வேண்டும் எப்போதும் நீ சொன
ஒலிய மந்திரம் ஓதி ஓதி நாங்
கலியை வெல்லவும் கருணை செய்கென. 19

ஆவது ஆக என்று அமரர் நாயகன்
மூ எழுத்தினான் முடிந்த அம்மனு
தாவி தெய்வதம் இருடி சந்தமோடு
ஓவில் ஓசை மூன்று ஒடு தெருட்டினான். 20

குரு மொழி பயின்று முள் வாய்க் குருவி தன் குலனும் தன் போல்
அரு மறை முதல்வன் ஈந்த ஆற்றலால் பறவைக்கு எல்லாம்
பெருமை சால் வலியான் என்னும் பெயரவாய் உலகின் மன்னக்
கருமணி கண்டன் செம்பொன் கனை கழல் அடி சேர்ந்த அன்றே. 21

இக்கரிக் குருவி தான் நோற்று எய்திய வரத்தைத் தன் போல்
ஒக்கலும் எளிதாய் எய்தப் பெற்றதால் உலகின் மேன்மை
தக்கன் ஒருவன் வாழத் தன் கிளை வாழ்வது என்ன
மிக்கவர் எடுத்துக் கூறும் பழமொழி விளக்கிற்று அன்றே. 22

ஈசன் அடிக்கு அன்பு இல்லார் போல் எளியார் இல்லை யாவர்க்கும்
ஈசன் அடிக்கு அன்பு உடையார் போல் வலியார் இல்லை யாவர்க்கும்
ஈசன் அடிக்கு அன்பு இன்மையினால் எளிதாய் திரிந்த இக் கயவாய் ஈசன் அடிக்கு அன்பு உடைமையினால் வலிது ஆயிற்றே எவ்வுயிர்க்கும். 23

குருவிக்கு உபதேசம் செய்த படலம்

2008-08-29T09:01:00.001+05:30

ஒருவன் எவ்வளவு தான் தான தர்மங்கள் செய்தாலும், தவறு என்று ஏதேனும் செய்துவிட்டாலும் அதற்க்கான பலனை இந்த உலகில் வந்து அனுபவித்த பிறகே மேலுலக வாசம் கிட்டும் அப்படி ஏற்பட்ட ஒரு சூழலில் தான் இந்த குருவிக்கு உபதேசம் செய்த லீலையாக சொல்லப்படுகிறது.

பரஞ்சோதி முனிவர் அருளிய திருவிளையாடற் புராணத்தில் 47வது திருவிளையாடலாக கரிகுருவிக்கு உபதேசம் செய்த படலம் வருகிறது.

இதன் மூலம் தவறு செய்தவன் தன் தவற்றை உணர்ந்து, தன்னை திருத்திக்கொண்டால் பல அளர்பரிய காரியங்களை செய்யமுடியும் என்று விளங்க செய்கிறது இந்த படலம்.

தான் செய்த சில காரியங்களுக்காக ஒரு தர்மவான் குருவியாக பிறக்கிறார். குருவியானது உணவு தானியம் விழும் சத்தம் கேட்டாலும் பயந்து போய் கண் காணாத இடத்திற்க்கு கணநேரத்தில் பறந்து விடும் தன்மை கொண்டது. தன்னுடைய நிலையால் மிகவும் வேதனையடைந்த குருவி காட்டுப்பகுதியில் வாழ்ந்து வந்தது. அச்சமயம் ஒரு சில வழிப்போக்கர்கள். எவ்வாறு உலக பந்தத்திலிருந்து விடுபடுவது என்று விவாதித்து கொண்டிருந்தனர், அவற்றை மரத்திலிருந்தபடியே கவனமாக கேட்டது அக்குருவி.

வழிப்போக்கர்களின் முக்கியமானவன் பேச ஆரம்பித்தான்.

ஆன்மீக அன்பர்களே! இவ்வுலகில் செய்த கர்மவினைகளை எவ்வாறு போக்குவது என்று நாம் அறிந்த வழிமுறைகளை சொல்லி விவாதிக்கலாம் என்று இறைவன் திருவுள்ளம் கொண்டுள்ளான், தாங்களின் மொழிகாணா விழைகிறேன் என்றான்

வேடுவ தலைவன் என்று தன்னை அறிமுகம் செய்தவன் முதலில் ஆரம்பித்தான்! "இறையன்பர்களே! நான் கடந்து வந்த பாதையில் ப்ல பாவங்கள் செய்து விட்டேன் அதிலிருந்து விடுபட என்ன செய்ய என்று கேட்டதற்க்கு தீர்த்தமாடினால் முக்தி என்றார், அதுவும் பல ஆறுகள் கலக்கும் மூன்று ஆறுகளில் நிராடினால் நிச்சயம் முக்தி எனக்கூறானார், காட்டில் வாழும் தவசி ஒருவர், அவ்வாறே காவிரி பட்டிணம், மீனாட்சி பட்டிணம், வேணுவனம் ஆகிய க்ஷேத்திரங்களுக்குச் சென்று, காவிரி புண்ணிய நீறாடி பாவம் போக்கி வருகிறேன்" என்றார். "செய்த கர்மங்களை தீர்க்க தீர்த்தமாடுதல் புண்ணியம் என்றார் வேடுவ தலைவன்"

பிறகு தன்னை வணிகன் என்று அறிமுகபடுத்திக் கொண்ட ஒருவன் தொடர்ந்தான்
"ஆன்றோர்களே! வணிகத்தில் பல குளருபடிகளால் சிற்சில பாவங்கள் என்னையும் அடைந்தன அதனை போக்கி கொள்ள, பல தலங்களை அடைந்து சென்று க்ஷேத்திரங்களை தரிசித்து வர செய்த பாவம் தொலையும் என்றார் என் குருநாதர், அதன்படி எல்லா வல சர்வேசனை அவர் கோயில் கொண்டுள்ள 274 தலங்களை வணங்க்கி வழிபட்டு வருகிறேன், செய்த பாவங்கள் தொலைய க்ஷேத்திராடதனம் மிக மிக அவசியம். தன்னை அடைந்தவர்க்கு என்றும் நலனையே அளிக்கும் ஈசனை வணங்கினால் அதனினும் புண்ணியம் உலகில் இல்லை என்றான் வணிகன்.

முக்கியமானவன் இப்போது பேச ஆரம்பித்தான் "சீலர்களே! ஆக தாங்கள் சொன்னதன் படி பார்த்தால் மூர்த்தி, தலம், தீர்த்தம் சென்றாடினால் மிகவும் புண்ணியம் என்கிறீர்கள்! சரிதானே?" என கேட்டவுடன் எல்லோரும் அமோதிக்க "அப்பேற்பட்ட ஒரு சக்தி வாய்ந்த தலமாக எது என சொல்வீரா?" எனக்கேட்டான் முக்கியஸ்த்தன்.

அனைவரும் திகைத்தனர்.

க்ஷேத்திராடதனம் (தலம்) செய்தால் நன்மை பயக்கும், (மூர்த்தி)இறைவழிபாடால் புண்ணியம் கிட்டும், (தீர்த்தம்)தீர்த்தம் ஆடினால் பாவம் தொலையும் இம்மூன்றும் அடைய பாரினில் பல இடங்களுக்கு செல்ல வேண்டும்! எவ்வாறு ஒரே ஒரு சக்தி வாய்ந்த தலம் என்று எவ்வாறு சொல்ல முடியும் எனக்கேட்டனர்! அவ்வாண்றோர்கள்!

ஆற்றல் சால் ஒருவன் மேல் நாள் ஆற்றவும் அறனே ஆற்றி
மாற்றம் இல் சிறிது பாவம் செய்த தன் வலத்தால் வந்து
தேற்றம் இல் கயவாய் ஆகிச் செனித்தலால் காகம் ஆதி
கூற்று என ஊற்றம் செய்யக் குருதி சோர் தலையது ஆகி.

(திருவிளையாடற் புராணம், 2276, 47வது திருவிளையாடல், கரிகுருவிக்கு உபதேசம் செய்த படலம், பாடல். 3)

புட்கு எல்லாம் எளிதா ஊறு பாடு அஞ்சிப் புரத்துள் வைகி
உட்கி நீள் வனத்துள் போகி வழி மருங்கு ஒரு சார் நிற்கும்
கட்கு அவிழ்ந்து ஒழுகப் பூத்த கவிழ் இணர் மரம் மேல் வைகி
வெட்கம் மீதூரச் சாம்பி வெய்து உயிர்த்து இருக்கும் எல்லை.

(திருவிளையாடற் புராணம், 2277, 47வது திருவிளையாடல், கரிகுருவிக்கு உபதேசம் செய்த படலம், பாடல். 4)

விடையவன் நீறு பூசும் மெய்யவன் பூண்ட கண்டித்
தொடையவன் புறம்பும் உள்ளும் தூயவன் குடையும் கையில்
உடையவன் தரும தீர்த்த யாத்திரை ஒழுக்கம் பூண்ட
நடையவன் ஒருவன் அந்த நறும் தரு நிழலில் சார்ந்தான்.

(திருவிளையாடற் புராணம், 2278, 47வது திருவிளையாடல், கரிகுருவிக்கு உபதேசம் செய்த படலம், பாடல். 5)

இருந்தவன் சிலரை நோக்கி இயம்புவான் எர்க்கும் பேறு
தரும் தலம் தீர்த்தம் மூர்த்தித் தன்மையில் சிறந்த அன்பு
அரும் தமிழ் மதுரை பொன் தாமரைத் தடம் சுந்தரேசப்
பெரும் தகை என்று சான்றோர் பேசுவார் ஆதலாலே.

(திருவிளையாடற் புராணம், 2279, 47வது திருவிளையாடல், கரிகுருவிக்கு உபதேசம் செய்த படலம், பாடல். 6)

ஓர் இடத்து இனைய மூன்று விழுப்பமும் உள்ளது ஆகப்
பார் இடத்து இல்லை ஏனை பதி இடத்து ஒன்றே என்றும்
சிர் உடைத்து ஆகும் கூடல் செழும் நகர் இடத்தும் மூன்றும்
பேர் உடைத்து ஆகும் என்றால் பிறிது ஒரு பதி யாது என்றான்.

(திருவிளையாடற் புராணம், 2280, 47வது திருவிளையாடல், கரிகுருவிக்கு உபதேசம் செய்த படலம், பாடல். 7)

தொடரும்

மதுரை மீனாட்சி அம்மன் கோவில் ஆவணிமூல உற்சவம் (புட்டுத்திருவிழா)

2008-08-27T09:54:00.001+05:30

மதுரை, ஆக.27-

மதுரை மீனாட்சி அம்மன் கோவில் ஆவணி மூல திருவிழா இன்று கொடியேற்றத்துடன் தொடங்குகிறது. அடுத்த மாதம் 8-ந் தேதி சுந்தரேசுவரருக்கு பட்டாபிஷேகம் நடக்கிறது.

ஆவணி மூல உற்சவ விழா

மதுரை மீனாட்சி அம்மன் கோவிலில் சித்திரை திருவிழாவிற்கு அடுத்து மிகப்பெரிய திருவிழா ஆவணிமூல விழாவாகும். குறிப்பாக மதுரையில் சிவபெருமானின் ஆட்சி இந்த மாதத்தில் இருந்து தான் தொடங்குகிறது. இந்த ஆவணி மூல திருவிழா இன்று (27-ந் தேதி) கொடியேற்றத்துடன் தொடங்குகிறது. மொத்தம் 12 நாட்கள் நடைபெறும் இந்த விழாவில் மீனாட்சி அம்மனும், சுந்தரேசுவரர் சுவாமியும் பல்வேறு வாகனங்களில் ஆவணி மூல வீதியில் எழுந்தருளி பக்தர்களுக்கு காட்சி அளிப்பார்கள்.

அதன்படி வருகிற ஆகஸ்ட் - 2-ந்தேதி, `கருங்குருவிக்கு உபதேசம் செய்த லீலை` கோவிலுக்குள் உள்ள குலாலர் மண்டபத்தில் நடைபெறும். 3-ந் தேதி, `நாரைக்கு முக்தி கொடுத்த லீலை` பூக்கடைத்தெருவில் உள்ள முத்துச்செட்டியார் மண்படத்திலும், 4-ந் தேதி `மாணிக்கம் விற்ற லீலை`யும், 5-ந் தேதி, `தருமிக்கு பொற்கிழி அளித்த லீலை`யும், 6-ந் தேதி, `உலாவாக்கோட்டை அருளிய லீலை`யும், 7-ந் தேதி `பாணனுக்கு அங்கம் வெட்டிய லீலை`யும் நடக்கிறது.

பட்டாபிஷேகம்

8-ந் தேதி முக்கிய விழாவான பட்டாபிஷேகம் நிகழ்ச்சி நடக்கிறது. அன்று இரவு 7-33 முதல் 7-57 மணிக்குள் சுவாமி சன்னதியில் உள்ள ஆறுகால் பீடத்தில் சுந்தரேஸ்வருக்கு பட்டாபிஷேகம் நடைபெறுகிறது. இந்த விழாவில் அறங்காவலர் குழுத்தலைவர் கருமுத்து.கண்ணன், சுவாமியிடம் இருந்து செங்கோலை பெற்றுக்கொண்டு அவரின் சார்பில் சுவாமி சன்னதி 2-ம் பிரகாரம் சுற்றி வந்து, மறுபடியும் சுவாமியிடம் செங்கோலை ஒப்படைக்கிறார்.

9-ந் தேதி, `நரியை பரியாக்கிய லீலை`, 10-ந் தேதி மதுரை ஆரப்பாளையம் கிராஸ் ரோட்டில் உள்ள புட்டுத்தோப்பு மண்டபத்தில், `பிட்டுக்கு மண் சுமந்த லீலை`யும் நடக்கிறது. 11-ந் தேதி, `விறகு விற்ற லீலை`யும் நடக்கிறது. 12-ந் தேதி அம்மனும், சுவாமியும் சட்டத்தேரில் ஆவணி மூலவீதியில் எழுந்தருளுகிறார்கள்.

இந்த விழாவிற்கான ஏற்பாடுகளை கோவில் இணை ஆணையர் ராஜநாயகம், கோவில் அறங்காவலர் குழுத்தலைவர் கருமுத்து கண்ணன், அறங்காவலர்கள் ருக்மணி பழனிவேல்ராஜன், ராஜாராம், புகழகிரி, பாலசுப்பிரமணி மற்றும் கோவில் பணியாளர்கள் செய்து வருகின்றனர்.

செய்தி : தினத்தந்தி

அட்டவணை

செப்- 2-ந்தேதி, `கருங்குருவிக்கு உபதேசம் செய்த லீலை` கோவிலுக்குள் உள்ள குலாலர் மண்டபத்தில் நடைபெறும்.

செப் 3-ந் தேதி, `நாரைக்கு முக்தி கொடுத்த லீலை` பூக்கடைத்தெருவில் உள்ள முத்துச்செட்டியார் மண்படத்திலும்,

செப்- 4-ந் தேதி `மாணிக்கம் விற்ற லீலை`யும்,

செப் - 5-ந் தேதி, `தருமிக்கு பொற்கிழி அளித்த லீலை`யும்,

செப் - 6-ந் தேதி, `உலாவாக்கோட்டை அருளிய லீலை`யும்,

செப் - 7-ந் தேதி `பாணனுக்கு அங்கம் வெட்டிய லீலை`யும் நடக்கிறது.

செப் - 8-ந் தேதி `வளையல் விற்ற லீலை` யும்

செப் - 9-ந் தேதி, `நரியை பரியாக்கிய லீலை`, யும்

செப் - 10-ந் தேதி மதுரை ஆரப்பாளையம் கிராஸ் ரோட்டில் உள்ள புட்டுத்தோப்பு மண்டபத்தில், `பிட்டுக்கு மண் சுமந்த லீலை`யும் நடக்கிறது.

செப் - 11-ந் தேதி, `விறகு விற்ற லீலை`யும் நடக்கிறது.

செப் - 12-ந் தேதி அம்மனும், சுவாமியும் சட்டத்தேரில் ஆவணி மூலவீதியில் எழுந்தருளுகிறார்கள்.

//முக்கிய விழாவான பட்டாபிஷேகம் நிகழ்ச்சி நடக்கிறது. அன்று இரவு 7-33 முதல் 7-57 மணிக்குள் சுவாமி சன்னதியில் உள்ள ஆறுகால் பீடத்தில் சுந்தரேஸ்வருக்கு பட்டாபிஷேகம் நடைபெறுகிறது. இந்த விழாவில் அறங்காவலர் குழுத்தலைவர் கருமுத்து.கண்ணன், சுவாமியிடம் இருந்து செங்கோலை பெற்றுக்கொண்டு அவரின் சார்பில் சுவாமி சன்னதி 2-ம் பிரகாரம் சுற்றி வந்து, மறுபடியும் சுவாமியிடம் செங்கோலை ஒப்படைக்கிறார். //

ஆவணி திருவிழா ஆரம்பம்

2008-08-26T10:36:00.000+05:30

நாளை முதல் ஆவணி திருவிழா இனிதே ஆரம்பம்!

மீனாட்சி அம்மன் கோவில் படங்கள் அனைத்தும் ஒரே தளத்தில்

2008-08-25T17:32:00.003+05:30

மீனாட்சி அம்மன் கோவில் படங்கள்

அனைவருக்கும் வணக்கம், மீனாட்சி அம்மன் கோவில் படங்கள் 250 படங்களையும் ஒரே தளத்தில் காண செய்ய முடியுமா என வலைச்சர பொறுப்பாசிரியர் திரு.சீனா அவர்கள் கடந்த மதுரை சந்திப்பின் போது கேட்டார்.

முயல்கிறேன் என்று கூறி விடைபெற்றேன்.

முயன்றேன் - முடிந்து. மேலிருக்கும் அம்மன் படத்தை சொடிக்கினால் எல்லா படங்களை பிக்காஸா தளத்தில் காணலாம், நீங்களும் தங்களது தளத்தில் இதன் ஸ்லைடு ஷோ - வாக காட்டலாம்.

Slide show gadget-ல் picasaweb என்பதை தேர்ந்தெடுத்து sivamurugan.neelamegam என்ற என்னுடைய மின்னஞ்சல் முகவரியை இட்டால், அதிலிருக்கும் "Meenakshi Temple", என்ற ஆல்பத்தை தேர்ந்தெடுத்தால் நீங்களும் உங்கள் தளத்தில் இடலாம்.

சித்தரை திருவிழா - இன்டர்நெட்டில் ஒளிபரப்ப ஏற்பாடு

2008-04-08T09:38:00.002+05:30

மதுரை மீனாட்சி கோவில் திருக்கல்யாணம்: இன்டர்நெட்டில் ஒளிபரப்ப ஏற்பாடு

மதுரையில் முக்கய நிகழ்ச்சிகளில் சித்தரை திருவிழாவும் ஒன்று சித்தரை திருவிழா வருகின்ற (09.04.08) முதல் ‌கொடியேற்றத்துடன் துவங்குகிறது. அதனை தொடர்ந்து மீனாட்சி திருக்கல்யாணம், தேரோட்டம், கள்ளழகர் எதிர்சேவை, கள்ளழகர் ஆற்றில் இறங்கல் என திருவிழாக்கள் நடைபெற உள்ளது. இதனையொட்டி இச்சித்திரை திருவிழாவில் மீனாட்சி சுந்தரேஷ்வரர் திருக்கல்யாணத்தினை உலகம் முழுவதும் பார்க்க இன்டர்நெட் மூலம் ஒளிபரப்ப முடிவு செய்யப்பட்டுள்ளது. அதன்படி மதுரை மீனாட்சி.ஓர்ஜி என்ற இணையதளம் மூலம் பார்க்க ஏற்பாடு செய்யப்பட்டுள்ளது என ‌கோவில் நிர்வாக தலைவர் டி. கண்ணன் தெரிவித்துள்ளார்.

மதுரை மீனாட்சி கோயில் சித்திரைத் திருவிழா நாளைஏப்.,9 காலை 10 மணிக்கு கொடியேற்றத்துடன் துவங்குகிறது. கோயில் அறங்காவலர் குழுத் தலைவர் கருமுத்து கண்ணன் கூறியதாவது : ஏப்.,16ல் பட்டாபிஷேகமும், ஏப்.,17ல் திக்குவிஜயமும் நடக்கிறது. ஏப்.,18ல் காலை 9.30 மணி முதல் 9.54 மணிக்குள் திருக்கல்யாணமும், மறுநாள் காலை 6 மணிக்கு தேரோட்டமும் நடக்கிறது. ண்திருக்கல்யாணத்தின்போது 50 ஆயிரம் பேருக்கு விருந்து நடக்கிறது.4 கோபுர வீதிகளிலும் மொய் பணம் செலுத்தலாம். திருக்கல்யாணத்தை காண மேற்கு ஆடி வீதியில் பார்வையாளர்களுக்கு கூடுதல் இடமும், வெளிநாட்டவருக்கு தனி இடமும் ஒதுக்கப்பட்டுள்ளது. முதலுதவி உட்பட பாதுகாப்பு ஏற்பாடுகள், அடிப்படை வசதிகள் செய்யப்பட்டுள்ளன. போலீஸ் கெடுபிடிகள் குறித்து கமிஷனரிடம் பேசப்படும். ரூ.10 கோடியில் கும்பாபிஷேக பணிகள் நடக்கிறது. இதில் ரூ.3 கோடி அம்மன் தங்க கோபுரத்திற்கு செலவிடப்படும். திருவாதவூர் கோயிலில் சுவாமி பீடத்திற்கு ரூ.5 லட்சம் மதிப்பில் 18 கிலோ எடையில் வெள்ளிக்கவசம் தயாரிக்கப்பட்டுள்ளது. மீனாட்சி கோயிலில் ஸ்தல விருட்சமான கடம்ப மரக்கன்றுகள் நட்டது போல், சார்பு கோயில்களில் ஸ்தல விருட்சம் கண்டறிந்து அந்த வகை மரக்கன்றுகள் நடப்படும். இவ்வாறு கூறினார். பேட்டியின்போது அறங்காவலர்கள், நிர்வாக அதிகாரி ராஜா ஆகியோர் உடனிருந்தனர்.
http://dinamalar.com/2008apr08/final.asp#4

இரண்டரை கோடியில் மீனாக்ஷி அம்மன் கோவில் செட்

2006-12-07T09:04:00.000+05:30

வழக்கம் போல் மீனாக்ஷி அம்மன் கோவில் பற்றி ஏதேனும் புதிய எனக்கு கிடைக்குமா என்று தேடிய போது கிடைத்த ஒரு அரி(றி)ய தகவல். அர்ஜூன் என்ற தெலுங்கு படத்திற்க்காக ஒரு மீனாக்ஷி அம்மன் கோவில் போல் அமைத்திருந்த படங்களும் தகவல்களும் கிடைத்தது. சினிமா செட்டிங்ஸ் செய்வதில் கைதேர்ந்த "தொட்டா தரணி" மிகவும் அருமையாக செய்திருந்தார். அவருடைய பொற்றாமரை குளத்து படியை பார்த்து ஒரு கணம் ஏமாந்து விட்டேன் பிறகு அதன் மேல் புரத்தில் பார்க்கும் போது தான் கோபுரங்கள் இல்லாத ஒரு படமாக தெரிந்தது. 130 அடி உயரத்தில் ஒரு கோபுரம் கூட செய்திருந்தனர். பார்க்க நன்றாக இருந்தது. நீங்களும் பார்க்க செல்ல வேண்டிய தளம் சுட்டி இதோ: http://www.idlebrain.com/movie/showcase/arjun.html.

இதை தயாரிக்க ரூபாய் 2.5 கோடி செலவானது என்றும், 3 மாதம் கால ஆனது. இந்த கோவில் 3 வருடங்கள் கோவில் தாங்குமாம். தங்க வண்ணம் பூசபட்ட தாமரை போல் இந்த குளத்தில் இருந்தது.

நடிகர்க(கை)ளில் எனக்கு தெரிந்தவர் 'பிரகாஷ் ராஜ்' மட்டும் தான் பிற நடிகர்களை பற்றி தெரியவில்லை. 2004ல் வெளி வர திட்டமிட்ட படமாக தெரிகிறது.நிற்க.

அம்மன் கோவிலின் இப்பதிவில் வராத சில படங்கள் (செட் படங்கள் அல்ல).

ஆயிரங்கால் மண்டபத்தின் நுழைவாயில்

மீனாட்சி அம்மன் கோவிலில் இருக்கும் ஒட்டகம்.

கார்த்திகை திருநாளில் ஜொலித்த கோவில்.

கழுகுபார்வையில் வரையப்பட்ட ஒரு ஓவியம்.

காசிவிஸ்வநாதர் சந்நிதி.

மேலும் சில படங்கள்.

மீனாக்ஷி அம்மன் கோவில் படங்கள்

2006-08-17T16:02:00.001+05:30

மீனாக்ஷி அம்மன் கோவில் படங்களில் விடுபட்டபடங்கள் இப்பதிவில்

கோவில் யானை அங்கயர்கன்னி

இரவு பள்ளியறை பூஜையின் போது

அதே சமயத்தில் மீனாக்ஷி அம்மன் சன்னிதியில் குழுமும் பக்தர்கள் கூட்டம்

வண்ண மயமான மேல பகுதியிலுள்ள சிறிய கோபுரம்

கல்யாண மண்டப பகுதியில் உள்ள சரபேஸ்வரர்

கம்பத்தடி மண்டப பகுதியின் ஒரு வித்யாசமான கோனம்

மயக்கும் மாலையில் மயக்கத்தை தெளிக்கும் அம்மையின் ஆலயம்

தியான மண்டபம் (நூறு கால் மண்டபம்)

மீனாக்ஷி அம்மன் கோவில் அரிய படங்கள் # 3

2006-07-21T13:57:00.001+05:30

இன்று ஆடி வெள்ளி...

ஆடி வெள்ளியில் விடி வெள்ளியாய் சில அரிய படங்கள்...

1858-ல் எடுக்கப்பட்ட ஒரு கோபுர படம்

அன்மையில் எடுக்கப்பட்ட கோபுர படங்கள். மேலும் கோபுர படங்கள் இங்கே, முந்தைய பதிவுகளில்

1798ல் வரையப்பட்ட டென்னிஸ் என்ற ஒவியரின் கைவண்ணத்தில் அம்மையின் ஆலையதோற்றம்

அதை தழுவி மேலும் 1857-ல் வரையப்பட்ட ஒரு படம்

கூரை இல்லாத ஒரு காட்சி, சுவாமி சன்னிதியில் கூரை இல்லாத ஒரு ஆடி வீதி காட்சி

இத்துடன் அரிய படங்கள் முற்றிறிற்று

அருள்மிகு ஏடகநாத சுவாமி திருக்கோயில்

2006-07-18T09:36:00.000+05:30

தல வரலாறு :

சம்பந்தர் பூசிய திருநீரால் கூன்பாண்டியனது வெப்ப நோய் தணிந்தது. இதனால் ஆத்திரமுற்ற சமணர்கள் சம்பந்தரோடு அனல்(நெருப்பு) வாதம் புனல்(நீர்) வாதம் புரிந்தனர். சமணர்கள் தங்கள் ஏட்டை தீயில் இட்டபோது அது சாம்பல் ஆனது. ஆனால் சம்பந்தர் திருநள்ளாற்றுப் பதிகம் எழுதப் பெற்ற சிவபதத்தை தீயில் இட்டனர். அது தீயில் வேகாமல் பச்சையாய் விளங்கிற்று. பின்பு புனல் வாதம் செய்தனர். புனல் வாதத்தின்போது சமணர்கள் அத்திநாத்தி என்று எழுதப்பட்ட ஏட்டை வைகையில் இட்டனர். அது ஆற்றில் அடித்து சென்றது. ஆனால் ஞானசம்பந்தர் "வாழ்க அந்தணர்" என்ற ஏட்டை வைகையில் இட்டபோது அது ஆற்றின் போக்கை எதிர்த்து சென்று கரை ஏறியது. அந்த ஏடு ஏறிய இடம் தான் திருவேடகம். மன்னனின் கூனும் நிமிர்ந்தது. கூன்பாண்டியன் நிமிர்ந்ததால் நெடுமாறன் எனப் பெயர் பெற்றான்.

ஏடகநாதர்

இங்குள்ள ஏடகநாதரை வணங்கினால் சகல ஐஸ்வர்யங்களுடன் கூடிய வாழ்க்கை அமையும். சித்த பிரம்மை நீங்கும் . மனஅமைதி,கல்யாண பாக்கியம் , குழந்தை பாக்கியம் ஆகியவை சுவாமியை வேண்டினால் கிடைக்கிறது.

தோஷங்கள் நீங்க

வனதுர்க்கை : செவ்வாய் தோஷம் களத்திர தோஷம், நாக தோஷம், பார தோஷம் உள்ளவர்கள் இக்கோயிலுக்கு அருகில் ஓடும் வைகை ஆற்றின் கரையோரம் இத்தி மரத்தடியில் உள்ள 16 கைகளை உடைய வனதுர்க்கையம்மனை வழிபட்டு பரிகாரம் செய்து விட்டு, பின்பு சுவாமியிடம் வந்து மனதார பிரார்த்தித்து அர்ச்சனை செய்தால் மேற்கண்ட தோஷங்கள் நீங்குகின்றன.

பில்லிசூன்யங்கள் விலக

கால பைரவர் : இக்கோயிலில் உள்ள கால பைரவரை அஷ்டமி, தேய்பிறை அஷ்டமி ஆகிய தினங்களில் பால் தயிர் பன்னீர் ஜவ்வாது ஆகியவற்றால் அபிசேகம் செய்தால் பில்லி சூன்யங்கள் விலகுகின்றன. தடைபட்ட காரியங்கள் நல்ல தீர்வு காண்கின்றன.

திருமண காரியம் நடக்க

சுவாமி அம்பாள் இருவருக்கும் அர்ச்சனை செய்து அம்பாளுக்கு அணிவித்திருந்த பூமாலையை பெற்று கழுத்தில் அணிந்து கொண்டு கோயிலை வலம் வந்து பின்பு அப்பூமாலையை வீட்டிற்கு எடுத்து சென்று 45 நாட்கள் வைத்து வழிபாடு செய்தால் கண்டிப்பாக திருமணம் நடக்கிறது.

புத்திரப்பேறு கிடைக்க

கிருத்திகை தினத்தில் இத்தலத்து சண்முகப் பெருமானை வழிபட்டால் புத்திரப்பேறு கிடைக்கும்.

தலபெருமைகள் :
ஞானசம்பந்தர் சமணர்க்கு எதிராக சைவத்தின்மேன்மையை நிலைநாட்ட வைகையில் இட்ட ஏடு எதிர்த்து நின்ற தலம்.காசிக்கு சமமான தலம்.சித்தபிரம்மை நீங்க அவசியம் வந்து வணங்க வேண்டிய தலம்.பாடல் பெற்ற பாண்டி நாட்டுத் தலம்.

பாண்டி நாட்டு சிவதலங்கள் 14 ல் இத்தலம் 5 வது தலம்.

இங்கு ஞானசம்பந்தர் இங்கு குழந்தை வடிவத்தில் காட்சி தருகிறார்.

மிக முக்கியமான ஏடு ஏறிய புராண சம்பவம் நிகழ்ந்த தலம் இது.

வில்வ ஆரண்யம் என வழங்கபடும் சிவதலம்.

ஏடகப் பெருமானை அன்போடு மனதில் தியானித்து ஒரு நாள் தங்கி பூஜை முதலிய வழிபாடுகள் செய்தால் ஆயுள் முழுதும் காசியில் வாழ்ந்த புண்ணியம் கிடைக்கும்.

பிரம்ம்ன, பராசர்,வியாசர் , திருமால்,கருடன்,ஆதிசேடன் மற்றும் திருஞானசம்பந்தர் ஆகியோர் வழிபட்ட தலம்.

வைகை நதி இத்தலத்தில் தெற்கு வடக்காக ஓடுவதால் காசிக்கும் கங்கைக்கும் நிகரான சிறப்புடையது.

நேர்த்தி கடன்
பால், எண்ணெய், இளநீர்,சந்தனம்,பன்னீர்,நல்லெண்ணெய் ஆகியவற்றால் சுவாமிக்கு அபிசேகம் செய்யலாம்.

கோயிலுக்கு வரும் பக்தர்களுக்கு அன்னதானம் செய்யலாம்.வசதி படைத்தோர் கோயில் திருப்பணிக்கு பொருளுதவி செய்யலாம்.

பொது தகவல்கள்
தங்கும் வசதி

கோயிலுக்கு வரும் பக்தர்களுக்கு அன்னதானம் செய்யலாம்.வசதி படைத்தோர் கோயில் திருப்பணிக்கு பொருளுதவி செய்யலாம்.

முக்கிய திருவிழாக்கள்
ஏடேறிய திருவிழா ஆவணி மாதம் முழு பவுர்ணமி நாளில் ஆயிரக்கணக்கான பக்தர்கள் இந்த திருவிழாவில் கலந்து கொள்வர்.

நவராத்திரி திருவிழா.புரட்டாசி மாதம் 10 நாள் திருவிழா

சங்காபிசேகத் திருவிழா கார்த்திகை மாதம் திங்கள் கிழமை அன்று கோயிலில் ஆயிரக்கணக்கான பக்தர்கள் முன்னிலையில் நடைபெறும்.

ஆவணி மூல திருவிழா ஆவணி மாதம்

வைகாசி விசாகம் அதில் ஆயிரக்கணக்கான பக்தர்கள் பால்குடம் எடுப்பர்.

இத்தலம் குறித்த பதிகங்கள்
திருஞானசம்பந்தர் தேவாரம்
அருணகிரி நாதர் திருப்புகழ்
பரஞ்சோதி முனிவர் திருவிளையாடற்புராணம்

பொது தகவல்கள்

குடும்பத்தோடு வரும் பக்தர்கள் மதுரை மாநகரில் உள்ள தனியார் லாட்ஜ்களில் தங்கிக் கொண்டு கோயிலுக்கு சென்று வரலாம்

மதுரை - திருவேடகம் 20 கி.மீ.

மதுரையிலிருந்து சோழவந்தான் செல்லும் வழியில் திருவேடகம் இருப்பதால் அடிக்கடி நகர பேருந்து வசதி மதுரை பேருந்து நிலையத்திலிருந்து இருக்கின்றது

அருகில் உள்ள ரயில் நிலையம் சோழவந்தான், மதுரை

அருகில் உள்ள விமான நிலையம் மதுரை

கோயிலின் சிறப்பம்சம்

புனல் வாதத்தின் போது ஞானசம்பந்தரது வாழ்க அந்தணர் என துவங்கும் திருபாசுர ஏடு வைகை வெள்ளத்தில் எதிர் நீந்தி வந்து இங்கு கரை சேர்ந்ததால் திரு + ஏடு + அகம் = திரு ஏடகம் திருவேடகம் என பெயர் பெற்ற தலம்.

மீனாக்ஷி அம்மன் கோவில் அரிய படங்கள் # 2

2006-07-15T23:14:00.001+05:30

மீனாக்ஷி அம்மன் கோவிலின் சில அரிய படங்கள் # 2

1858ல் அம்மன் சன்னிதி
எந்த கடையும்(தேங்காய் பழம் கடை உட்பட) இல்லை, தற்சமயம் மாடத்தில் இருக்கும் விநாயகரும், சுப்ரமணியரும் இப்படத்தில் இல்லை
மேலும் அஷ்ட சக்தி மண்டப மேல் மாடத்தில் தற்போது இருக்கும் மீனாட்சி அம்மன் திருவிளையாடல்கள் இப்படத்தில் இல்லை.

1912ல் அம்மன் சன்னிதி.
ஆனால் இப்படத்தில் எல்லா சிற்பங்களும், உள்ளது குறிப்பிடத்தக்கது. ஆனால் வண்ணங்கள் இல்லாமல் இருப்பது சற்றே குறையாக தெரிந்தாலும், உள்ளதை உள்ளபடி சொல்லும் படங்கள் அழகாக இருப்பது சிறப்பு.

1935ல் மீனாக்ஷி அம்மன் சன்னிதி

மீனாக்ஷி அம்மன் கோவில் அரிய படங்கள் # 1

2006-07-15T16:27:00.001+05:30

45 பதிவுகளை இட்டு நான் மீனாக்ஷி அம்மன் கோவில் படங்களை முடித்தாலும் அம்மனோ இந்தா இதையும் மக்களுக்கு காட்டு என்பது போல் மேலும் சில அரிய படங்களை காட்டியுள்ளார். அதை இங்கேயும் அடுத்த வரும் பதிவுகளிலும்.

1890ல் பாண்டவர் மண்டபம். தொங்கும் விளக்குகள் அதற்க்குச் சான்று

1908ல் பாண்டவர் மண்டபம்

அடுத்த பதிவு அம்மன் சன்னிதி வெளிப்புற படம்

அருள்மிகு தென்திருவாலவாய் திருக்கோயில்

2006-07-14T16:01:00.000+05:30

அருள்மிகு தென்திருவாலவாய் திருக்கோயில்,

மதுரை, தெற்குமாசிவீதியில் உள்ள மிகவும் புகழ் பெற்ற தலம். அம்மன் கோவிலுக்கு செல்ல முடியாதவர் பலர் இக்கோவிலுக்கு சென்று வழிபடுகின்றனர்.

இங்குள்ள தென்திருவாலவாய சுவாமியை வணங்கினால் நோய் நொடிகள் நீங்கப்பெறுவதால் ஏராளமான பக்தர்கள் இங்கு வருகை தருகின்றனர். மருத்துவமனை சிகிச்சையும் விலகுகிறது.

இறைவனை வணங்குவோர்க்கு மன நிம்மதி கிடைக்கும்.

கருணையே உருவான இத்தலத்து அம்பாளை வழிபட்டால் திருமணவரம், குழந்தை வரம் ஆகியன கிடைக்கின்றன.

சுவாமிக்கு வஸ்திரம் வழங்கி பெரும் அளவில் புண்ணியம் பெருகின்றனர்.

கல்வி வரம், எடுத்தகாரியம் நடைபெற இத்தலத்தில் இருக்கும் குரு பகவானை வழிபடலாம்.

தெற்கு திசைக்குத் தலைவனாகிய எமன் வழிபட்ட கோயில் இது. இக்கோயில் மதுரையில் உள்ள பஞ்ச பூத தலங்களில் அக்னி தலம் ஆகும்.திருவிளையாடற் புராணக் கதைகளில் ஒன்றான மதுரைக்கு எல்லை கட்டிய படலம் நிகழப்பெற்ற கோயில் இது.

இங்குள்ள மூலவர் மதுரையில் உள்ள சிவதலங்களில் அளவில் பெரியவர்.

வெளியூர், வெளிமாவட்டங்கள், வெளிமாநிலங்கள் ஆகியவற்றில் இருந்தெல்லாம் இக்கோயிலுக்கு உடல்நலம் வேண்டி வருகிறார்கள்.
திருநீற்றுப்பதிகம் பாடப்பெற்ற தலம்.
எமதர்மராஜன் வழிபட்டு மரணபயம் நீங்கிய தலம்.

சுவாமிக்கு இத்தலத்தில் பால் அபிசேகம் செய்தல் சிறப்பு.

தேன், எண்ணெய், இளநீர்,சந்தனம்,பன்னீர்,நல்லெண்ணெய் ஆகியவற்றால் சுவாமிக்கு அபிசேகம் செய்து நேர்த்திகடனை செய்கின்றனர்.

அம்பாளுக்கு மஞ்சள், சிவப்பு நிற புடவை சாத்து இத்தலத்தில் சிறப்புவாய்ந்த வழிபாடாகும்.

கோயிலுக்கு வரும் பக்தர்களுக்கு அன்னதானம் செய்கின்றனர்.

இங்கிருக்கும், நவகிரஹங்களை வணங்கிட கிரஹ தோஷங்கள் நீங்கும்.

வசதி படைத்தோர் கோயில் திருப்பணிக்கு பொருளுதவி செய்யலாம்.

தென்திருவாலவாய் என்றால்?

பண்டைய காலத்தில் “திருவிளையாடல் புராணத்தில்” மதுரைக்கு எல்லை காட்டிய படலம் என்று உண்டு. ஒரு காலத்தில் கடல் பொங்கி மதுரை மாநகரமே எல்லைகள் எல்லாம் தெரியாமல் குறுகிப்போய், மதுரை நகரின் எல்லை எதுவென்றே தெரியாமல் போனது. அப்படி கடல் பொங்கி குறுகிய மதுரையை முந்தைய அளவிற்கே மீண்டும் அமைக்க வங்கிய சேகர பாண்டிய மன்னன் சிவ பெருமானிடம் வேண்டுகிறான். அப்போது சிவபெருமான் ஆலவாய் என்றழைக்கப்படும் ஒரு பெரிய பாம்பை வீசி போடுகிறார். போட்டு விட்டு அந்த பாம்பு மதுரையையே ஊரின் முழுக்க வட்டமடித்து காட்டுகிறது.அப்போது தென்திருவாலவாய் கோயில் இருக்கும் இடத்தில்தான் அந்த பாம்புடைய படமும், வாலும் ஒன்று சேர்ந்ததாக சொல்கிறது திருவிளையாடல் புராணம். மேலும் இந்த கோயிலும் தெற்கு திசையில் உள்ளது. அதனால் தென்திருவாலவாய் என்று பொருள்படுகிறது. ஆலவாய் என்ற பாம்பு , தெற்கு திசை எல்லாம் சேர்ந்து தென்திருஆலவாய் என்று பெயர் வந்தது.

அஸ்வத்தபிரதட்சண்யம்

இக்கோயிலில் உள்ள அரசமரத்தை 108 முறை வலம் வந்து திருவாலவாய சுவாமியை நினைத்து உள்ளம் உருகி வேண்டி நின்றால், மருத்துவர்களால் கைவிடப்பட்ட நோயாளிகள் கூட குணமடைந்து உடல்நலம் பெறுகிற அதிசயம் இத்தலத்தில் நடக்கிறது.மேலும் நீண்ட ஆயுள் வேண்டுபவர்கள் இத்தலத்துக்கு வந்து இந்த அஸ்வத்தபிரதட்சணயம் அதாவது 108 முறை வலம் வந்து வணங்குகின்றனர். இத்தலத்தில் 60ம் (ஷஷ்டியப்த பூர்த்தி) கல்யாணம் செய்வதும் ஏராளமாக நடக்கிறது.அவர்களே சதாபிசேகமும் (80 ) செய்து நல்ல ஆயுளை அடைகின்றனர்.

மதுரையில் உள்ள பஞ்ச பூத தலங்களில் 1. பழைய சொக்கநாதரை வழிபட்டால் செல்வம் செழிக்கும்.

2. இம்மையில் நன்மை தருவாரை வணங்கினால் ஸத்பதவி கிடைக்கும்.

3. முக்தீசுவரரை வணங்கினால் முக்தி கிடைக்கும்.

4. தென்திருவாலவாய சுவாமியை வணங்கினால் மரண துன்பம் நீங்கும் என்று புராணங்கள் கூறுகின்றன.

5. தவிர இந்த நான்கு கோயில்களுக்கும் நடுவில் உள்ள மீனாட்சி சுந்தரேசுவரரை வழிபட்டால் இந்நான்கும் கிடைக்கும்.

எமன் வழிபட்ட தலம்

மனிதனுக்கு மரணத்தை விடக் கொடிய பகைவனும் இல்லை. அந்த மரணத் துயரை மாற்றும் வைத்தியனை (சொற்றுனை வேதியன்) விடச் சிறந்த நண்பனும் இல்லை.இத்தகைய வைத்தியநாதப்பெருமான் எழுந்தருளிக் காலன் வருங்கால் காட்சி கொடுக்கக் காத்திருக்கும் திருத்தலமே தென்திருவாலவாய் ஆகும். தனக்கு நோய் நொடி வந்து உயிருக்கு பங்கம் வருமோ எனும் பயம் எல்லோர் உயிரையும் எடுக்கும் எமனுக்கே வந்து விடுகிறது. அவர் சிவபெருமானை வணங்க அவரும் காட்சி தருகிறார்.அப்போது தென்திருவாலவாய கோயிலுக்கு சென்று வழிபட்டு அந்த திருநீற்றை பூசு., இனி உனக்கு மரணபயமே கிடையாது என்கிறார்.எமனும் வந்து வழிபட்டு தன் மரணபயம் நீங்கப் பெற்றான். அத்தகைய சிறப்பு வாய்ந்த தலம் இது.

கந்த சஷ்டி ஐப்பசி 6 நாட்கள் திருவிழா சுப்ரமணியருக்கு சிறப்பு அபிசேக ஆராதனைகள்.

அன்னாபிசேகம் ஐப்பசி பௌர்ணமி நாளில் சிறப்பாக நடைபெறும்.

ஆடிப்பூரம், கார்த்திகை சோம வாரங்களில் சங்காபிசேகம் சிறப்பாக நடைபெறும்.

பௌர்ணமி தோறும் திருவிளக்கு பூஜை சிறப்பாக நடைபெறும்.

ஆடி வெள்ளி, தை வெள்ளி ஆகிய விஷேச தினங்களில் 1008 திருவிளக்கு பூஜையும் நடைபெறுகிறது.

தவிர தீபாவளி, பொங்கல், விநாயகர் சதுர்த்தி, தமிழ் ஆங்கில வருடப்பிறப்பு உள்ளிட்ட அனைத்து விஷேச நாட்களின்போதும் கோயிலில் சிறப்பு அபிஷேக அர்ச்சனைகள் நடைபெறும்.

மாதத்தின் பிரதோஷ நாட்களில் வெகுசிறப்பாக அபிஷேக ஆராதனைகள் நடைபெறும். பக்தர்கள் பெருமளவில் கலந்து கொண்டு சிறப்படைகின்றனர்.

தல வரலாறு :
மதுரை மாநகரில் சைவ சமயமும் சமண சமயமும் தீவிரமாக இருந்த சமயம்.அப்போது மதுரையை ஆண்ட சைவ சமயத்தை சேர்ந்த பாண்டிய மன்னன், தீடீரென்று சமண சமயத்திற்கு மாறிவிடுகிறான்.அவன் மனைவி மங்கையர்க்கரசி சைவ சமயத்தை சார்ந்தவள்.மிகவும் தீவிர சைவபற்றுள்ளவள். கணவனின் திடீர் மாற்றம் அவளுக்கு மிகுந்த வருத்தத்தை தந்தது. அதனால் சிவபெருமானிடம் சென்று மனமுருக அழுது வேண்டுகிறாள்.அப்போது வினைபயனாக பாண்டியனுக்கு வெப்பு நோய் வருகிறது. உடம்பு பூராவும் உஷ்ணத்தால் பாதிக்கப்படும் மிகவும் கொடிய நோய், அக்கொடிய நோயினால் அவதியுற்று கூன்விழுகிறது அதுவே அம்மன்னனின் பெயராகவும் “கூன்பாண்டியன்” என்றாகி விடுகிறது. அந்த நோயை தாங்க முடியாமல் தவிக்கிறான் மன்னன். அப்போது சமணர்கள் எவ்வளவோ மந்திர-தந்திர வைத்தியம் செய்து பார்க்கின்றனர். நோய் குணமாகவில்லை. அப்போது மங்கையர்க்கரசியின் கனவில் சிவபெருமான் தோன்றி, தென்திருவாலவாய் கோயிலுக்கு சென்று ஞானசம்பந்தரால் திருநீற்றுப்பதிகம் பாடி அந்த சுவாமிக்கு அனைத்து அபிஷேக அர்ச்சனைகளும் செய்து அந்த திருநீற்றை எடுத்து உன் கணவனான பாண்டிய மன்னன் மீது பூசி விட்டால் அந்த வெப்பு நோய் தீர்ந்து விடும் என்று கூறுகிறார். உடனே அதுபடியே செய்ய, சமணர்கள் ஒத்துகொள்ள மறுக்கின்றனர், பின் இருவருக்கிடையில் சமரசம் செய்து வலப்பக்கம் சமணர்களின் மந்திர மருத்துவமும், இடபாகத்தில் ஞானசம்பந்தரின் திருநீறு மருத்துவம் செய்ய இடப்பக்கம் குணமடைகின்றது, ஆனால் வலப்பக்கம் எந்த வித மாற்றமும் இல்லாமல் நோய் அப்படியே இருக்கிறது. இதைகண்ட மன்னன் சைவ சமயத்தை போற்றியும், சமணத்தை துறந்து இருபுறமும் திருநீறு பூச, அந்த வெப்பு நோய் தீர்ந்து விடுகிறது. கூன்பாண்டியன் சிவபெருமானின் இறையருளால் நெடுமாறனாக நிமிர்ந்து, இறைவனின் அருளை முழுமையாக உணர்ந்து தன் அங்கமெல்லாம் ஒரு கணம் ஆடிப்போய் அவரின் கருணைக்கு தலைவணங்கி சிவதொண்டு புரியலானார்.

நன்றி தினமலர்

அடுத்த பதிவில் ஏடேறிய படலம் நிகழ்ந்த ஏடகநாதர் கோவில்.

199: மடப்புரம் பத்ரகாளி

2006-07-07T18:03:00.000+05:30

மதுரை செல்லும் போது, கிராம தெய்வத்தை, க்ஷேத்திர தெய்வத்தை, குல தெய்வத்தை என்று எல்லோரையும் வணங்க வேண்டும் என்று எண்ணுவேன், க்ஷேத்திர தெய்வத்தை வலம் வந்து விட்டேன், இப்பொது எல்லை தெய்வத்தை வலம் வருகிறென்.

நீதிமன்றத்தில் சாட்சி சொல்ல வருபவர்களிடம் சத்தியமாச் சொல்றேன் என்று சத்தியப் பிரமாணம் வாங்குவது தற்போதைய நடைமுறை. ஆனால், நீதிபதிகளே கோயிலுக்கு வந்து குற்றம்சாட்டப்பட்டவர்களைக் காளிக்கு முன்பாக சத்தியம் பண்ணவைத்து தீர்ப்பெழுதிய சம்பவங்கள் மடப்புரம் காளி கோயிலில் நடந்திருக்கின்றன.

சிவகங்கை மாவட்டம் திருப்புவனத்துக்கு அருகிலிருக்கிறது மடப்புரம். இங்கு வளைந்தோடும் வைகையின் விளிம்பில் ஆக்ரோஷ அவதாரமாக நிற்கிறாள் பத்ரகாளி.

ஒரு பிரளய காலத்தில் மதுரை மாநகரை வெள்ளம் சூழ்ந்தபோது மதுரையை ஆட்சி செய்த மீனாட்சி, மதுரையின் எல்லையைக் காட்டச் சொல்லி சிவனை வேண்டினார். அப்போது ஆதிசிவன் பாம்பு வடிவில் தோன்றி மதுரையின் நான்கு புறத்தையும் தன் உடலால் வளைத்துக் காட்டினார். அப்போது பாம்பின் படமும் அதன் வாலும் ஒன்றையன்று தொட்டுக்கொண்டு நின்ற இடம்தான் படப்புரம் எனப்பட்டது. இதுவே மருவி மடப்புரமாக ஆனது.

ஒருமுறை பார்வதியை அழைத்துக்கொண்டு வேட்டைக்குக் கிளம்பிய சிவபெருமான், மடப்புரம் பகுதிக்கு வந்தார். காடு மிகப் பரந்து கிடக்கிறது. இதற்குமேல் உன்னால் வரமுடியாது தேவி... அதனால் நீ இங்கேயே இரு. நான் மட்டும் வேட்டையாடிவிட்டு வருகிறேன் என்று பார்வதியிடம் சொன்னாராம். ‘இந்த அடர்ந்த காட்டுப் பகுதியில் நான் மட்டும் தனியே இருப்பது எப்படி?’ என்று பார்வதி கேள்வி எழுப்ப, அய்யனாரை அழைத்து பார்வதிக்குத் துணையாக வைத்துவிட்டுப் போனார் சிவபெருமான். அப்போது பார்வதி, இந்த இடத்தில் நான் இருப்பதால் இந்த ஸ்தலத்துக்கு ஏதாவது சிறப்பைக் கொடுக்கவேண்டும் என்று கேட்க, இந்த இடத்திலிருந்து மூன்று மைல் தொலைவில் இருக்கும் வைகையாற்றில் நீராடுபவர்களுக்கு காசியில் நீராடியதைக் காட்டிலும் கூடுதலான புண்ணியம் கிடைக்கும்! என்று வரம் கொடுத்தாராம் சிவபெருமான்.

அதன்பின்தான் மடப்புரத்தில் காளிவடிவில் தங்கினாள் சக்தி. காளிக்குத் துணையாக இருந்த அய்யனார் அடைக்கலம் காத்த அய்யனாராக இங்கே ஆட்சி செலுத்தினாலும், சக்தியின் வடிவமாக நின்றுகொண்டிருக்கும் பத்ரகாளிக்குத்தான் பிரதான வழிபாடு!

சிவபெருமான் அருளிய வரத்தின்படி மடப்புரத்திலிருந்து மூன்று மைல் தொலைவுக்குள் வைகையில் நீராடுபவர்களுக்கு காசியில் நீராடியதைக் காட்டிலும் கூடுதலான புண்ணியம் கிடைக்கும் என்ற நம்பிக்கை இன்றும் தொடர்கிறது. காசு, பணம் செலவு செய்து காசிக்குப் போக முடியாதவர்கள் மடப்புரத்தை ஒட்டியுள்ள திருப்புவனத்துக்கு வந்து தங்களின் முன்னோர்களுக்குக் காரியங்கள் செய்து புண்ணியம் சேர்த்துக்கொண்டு போவது இன்றும் நடக்கிறது.

கோயில் வளாகத்துக்குள் வெட்டவெளியில் கூரைகூட இல்லாமல் நாக்கைத் துருத்தியபடி ஆக்ரோஷமாக நிற்கிறாள் பத்ரகாளி. காளியின் இரண்டு பக்கமும் பிரமாண்டமாக இரண்டு பூதங்கள். பதின்மூன்றடி உயரம் கொண்ட காளியின் தலைக்குமேல் ராட்சதக் குதிரை ஒன்று தாவியபடி நிற்கிறது.

காளியை மனமுருகி வேண்டி நின்ற பக்தர் ஒருவர் எந்த நேரமும் உனக்குப் பக்கத்திலேயே இருக்க எனக்கு வரம் கொடுக்கவேண்டும் என்றாராம். அவரது பக்தியை மெச்சிய காளி அவரைக் குதிரையாக மாற்றி, தனக்கு நிழல்தரும் குடையாக வைத்துக்கொண்டாராம். தன்னை நாடிவரும் பக்தர்களைத் தாமதமின்றிக் காப்பாற்ற ஆயத்த நிலையில் காளியின் வலதுகையில் திரிசூலம். அநீதியை அழிக்கத் திரிசூலம் ஏந்திநிற்கும் காளி, அழித்தவற்றை மீண்டும் எழவிடாமல் எரித்துச் சாம்பலாக்குவதற்காகத் தலையில் அக்னி கிரீடத்தைச் சுமந்து நிற்கிறாள்.

காளிக்கு எதிரே உள்ள மண்டபத்தில் நெய்விளக்கு ஏற்றி வழிபட்டுவந்தால் நினைத்த காரியம் கைகூடி வரும். காளிக்குப் பிடித்தமான காணிக்கைப்பொருள் எலுமிச்சம்பழ மாலைதான். காளிக்கு மட்டும் போடக்கூடிய மாலையில் நூற்றியோரு பழங்கள் கோக்கிறார்கள். குதிரைக்கும் சேர்த்து மாலை போடுவதென்றால் ஆயிரத்தோரு பழங்களைக் கோக்கவேண்டியிருக்கும்.

மடப்புரத்தைச் சுற்றியுள்ள கிராமங்களில் யாருக்காவது கொடுக்கல், வாங்கல் பிரச்னை என்றால் பெரும்பாலும் கோர்ட்டுக்கோ போலீஸக்கோ போவதில்லை. அவர்கள் நாடிவரும் கோர்ட், பத்ரகாளி கோயில்தான்.

காளிக்கு வலப்புறத்தில் சின்னதாக ஒரு திண்டு. இதன் பெயர் சத்தியக்கல். இரண்டு நபர்களுக்கிடையே பிரச்னை என்றால், இந்தத் திண்டில் இருவரும் சூடத்தை ஏற்றி, அணைத்து நாங்கள் தப்புச் செய்யவில்லை என சத்தியம் செய்யவேண்டும். பின்னர் கழுத்தில் அரளிமாலை போட்டுக்கொண்டு காளிக்கு வலப்புறமாக நிற்கும் பூதத்தைக் கட்டிப் பிடிதபடி, நாங்கள் தப்பு செய்யவில்லை என வாக்குக் கொடுக்க வேண்டும்.

இங்கு யாராவது பொய்ச் சத்தியம் செய்தால் முப்பது நாட்களுக்குள்ளாக அந்த நபரைக் குறைகேட்டுவிடுமாம் காளி. சில நேரம் பொய்ச் சத்தியம் செய்தவர்கள் மடப்புரத்து எல்லையைத் தாண்டுவதற்குள்ளாகவே காளியால் தண்டிக்கப்படுவதுண்டு. இப்படித் தண்டிக்கப்படுபவர்கள் மறுபடியும் காளியிடம் வந்து காணிக்கை செலுத்திப் பரிகாரம் தேடிக்கொண்டு போவது இப்போதும் நடக்கிறது.

இங்கு நடக்கும் இன்னொரு முக்கியமான வேண்டுதல் காசு வெட்டிப் போடுவது. காளியின் முகத்துக்கு எதிரே தரையில் ஒரு பட்டியக்கல் பதித்து வைத்திருக்கிறார்கள். அதற்குப் பக்கத்திலேயே உளியும் சுத்தியலும் வைத்திருக் கிறார்கள். அநியாயம் பண்ணுபவர்களைத் தட்டிக்கேட்க திராணி இல்லாதவர்கள் ஈரத்துணியுடன் இங்கு வந்து காளிக்கு எதிரே உட்கார்ந்து காசை வெட்டிப் போட்டு, அவங்களை எதுத்துக் கேக்க எனக்கு சக்தியில்லை. நீதான் எனக்கு கேட்டுக் கொடுக்கணும் என்று கண்ணீரும் கம்பலையுமாக முறையிடுகிறார்கள். இந்தக் கண்ணீருக்கு மனமிரங்கிவரும் காளி, அநியாயக்காரர்களை அடித்து எழுப்பி இம்சை பண்ணி அவர்களையும் தன்னுடைய வாசலுக்கு வரவழைத்து விடுகிறாள்.

காளியின் மகத்துவம் தெரிந்த எவரும் இங்கு வந்து பொய்ச்சத்தியம் பண்ணத் துணிவதில்லை.

காளிக்குப் பின்னால் பிராகாரத்தில் வேப்பமரம் ஒன்று உண்டு. இதற்கும் தெய்வசக்தி இருக்கிறது.
நீண்டநாட்களாகத் திருமணம் தடைப்பட்டு நிற்கும் பெண்கள் இந்த மரத்தின் மடியில் மஞ்சள் தாலியைக் கட்டி வழிபட்டால் திருமணத் தடைகள் நீங்குகின்றன. குழந்தை பாக்கியம் இல்லாதவர்கள், தங்களின் முந்தானையைக் கிழித்து வேப்பமரக்கிளையில் தொட்டில் கட்டி விட்டால் தாமதிக்காமல் அவர்களது வீட்டில் குவா&குவா சத்தம் கேட்கிறது. வேப்பமரத்தில் கட்டப்பட்டுள்ள தாலி மற்றும் தொட்டில்களின் எண்ணிக்கை இதையெல்லாம் பறைசாற்றுகின்றன.

எல்லா நாட்களும் காலை ஆறு மணி முதல் இரவு ஒன்பது மணி வரை கோயில் திறந்திருக்கிறது.

வெள்ளி, செவ்வாய்க்கிழமைகளில் இங்கே திருவிழா கணக்காகக் கூட்டம் கூடுகிறது. வாரத்துக்கு இரண்டு நாட்கள் இப்படித் திருவிழாக் கூட்டம் கூடுவதாலோ என்னவோ, பத்ரகாளிக்கென இங்கே தனியாக திருவிழா எதுவும் எடுக்கப்படுவதில்லை.

அடுத்த பதிவு, கூன் பாண்டியணுக்கு மருத்துவம் செய்ய திருநீறு தந்த தென் திருவாலய கோவில்.

195: மீனாக்ஷி அம்மன் கோவில் படங்கள் # 45

2006-07-07T17:12:00.001+05:30

தெற்க்கு கோபுரகாட்சி

திருவாச்சியில் உள்ள துவாரபாலகர்

மூலிகை ஓவியங்கள்

கிளிமண்டபத்தில் உள்ள கோவிலின் மாதிரி

அம்மனின் பிறந்த நட்சித்திரமான மாசி மகத்தில் விளக்கு பூஜை நடந்த போது

இத்துடன், என் கோப்பில் இருக்கும் மீனாக்ஷி அம்மன் கோவில் படங்கள் நிறைவடைகிறது.

அம்மா அங்கயற்கன்னி, சொக்கருடன் அருளும் மீன்கொடியளே மீனாக்ஷி!, இப்படங்களை தரிசித்தவர்கள் எங்கிருந்தாலும் முதல் பீடமாம் இந்த மனோன்மணி பீடத்தில்(மதுரையில்), உன்னை தரிசித்த புண்ணியம் வழங்கி, அந்த அபிராமி பட்டருக்கும், ஏனை அடியோருக்கும் தந்த பெருவழ்வை தந்தருளவும், உன்னை வணங்கும் அடியவர்கள் எந்த பிறவிபிணிகளும் அன்டாத வண்ணம் காத்தருளும் உன் திருவடியை வணங்குகிறேன்.

அவளருளால் 250 க்கும் மேற்ப்பட்ட படங்களை இங்கே பத்திதுள்ளேன்.

இப்பதிவுகளுக்கு காரணமான அத்தனைபேருக்கும், கோடான கோடி நன்றிகளுடன்

சிவமுருகன்.

அடுத்த பதிவு மடப்புரம் காளி.

194: மீனாக்ஷி அம்மன் கோவில் படங்கள் # 44

2006-07-07T17:12:00.000+05:30

கொபுர காட்சிகள் # 5

அடுத்த பதிவு, என் கோப்பில் இருக்கும் மீனாக்ஷி அம்மன் கோவில் படங்களின் நிறைவு பதிவு.

182: மீனாக்ஷி அம்மன் கோவில் படங்கள் # 43

2006-07-01T19:48:00.000+05:30

கோபுரகாட்சிகள் # 5

கோபுரகாட்சிகளை தொடர்கிறேன், இப்பதிவில் சற்றே ஒரு உற்று பார்வை. மிக அழகாக வண்ணம் பூசபட்ட கோபுர சிலைகள்.

அடுத்த பதிவு மேலும் சில கோபுர காட்சிகள்.

முந்தைய பதிவு.

178: மீனாக்ஷி அம்மன் கோவில் படங்கள் # 42

2006-06-28T17:46:00.000+05:30

மேலும் சில படங்கள் # 2

நேபாள மன்னர் வந்து தங்க ரதம் இழுத்த போது

ஆடி வீதியில் தங்க ரதம்

பாண்டாவர் மண்டபம்

பாண்டவர் மண்டபம்

விபூதி பிள்ளையார்

ஆயிரங்கால் மண்டபத்தில் நடராஜர்

சுவாமி சந்நிதியில் மீனாட்சி (மிகவும் பழைய படம்)

முந்தைய பதிவு

172: மீனாக்ஷி அம்மன் கோவில் படங்கள் # 41

2006-06-27T15:52:00.000+05:30

மேலும் சில கோவிலின் உட்பிரகார படங்கள் உள்ளன, அதை இந்த பதிவு முதல் ஆரம்பிக்கிறேன். இதில் எந்த படம் எங்கு எடுக்கப்பட்டது, என்று மட்டும் சிறிய விளக்கம் தருகிறேன்.

அம்மன் சன்னிதியில் அலங்கார விளக்கு

உக்கிரதாண்டவர் (கல்யாண மண்டபம்)

அம்மன் சுவாமி திருவீதி வலம் வருவதை அறிவிக்கும் ஜீவன்கள்

கோவில் யானை கணேஷ்

கோவில் யானை அங்கயர்கன்னி

கோவில் காளை 'காளை'

கோவிலில் மூன்று ஒட்டகங்களும் உள்ளன அதன் படம் கிடைக்கவில்லை.

171: மீனாக்ஷி அம்மன் கோவில் படங்கள் # 40

2006-06-26T09:12:00.000+05:30

கோபுர காட்சிகள் # 4

சற்று உயர உயர செல்கிறோம்.

அழகான சிற்பங்கள் கொண்ட கோபுரத்தின் உச்சி

சிறிய கோபுரங்களின் வேலைபாடுகளும் எந்தவித மாற்றமில்லாமல்.

உச்சி கோபுரத்தின் மையபகுதி மற்றும் ஒருபகுதி.

தெற்கு கோபுரம்

வடக்கு கோபுரம்

கும்பாபிஷேகம் நடந்த சமயத்தில் ராஜ கோபுரம்.

இனி.... அம்மன் கோவிலின் ஒரு மாறுபட்ட கோனத்தில், தோராயமாக 650 அடி உயரத்திலாவது இருக்கும். இதை கடந்த டிசம்பர் மாதத்தில், வெளிவீதீயை உள்ளடக்கிய மதுரையின் படம் ஒரு ந(ன்)பர் மூலமாக மின்னஞ்ஜலில் வந்தது அதிலிருந்து மீனாட்சி அம்மன் கோவில்.

(இப்படத்தை நீங்கள் எங்காவது பார்த்திருந்தால் அதன் சுட்டியை தந்தால் அதையும் இங்கே இட்டுவிடுகிறேன்.)

அடுத்த பதிவு மேலும் சில கோபுரகாட்சிகள்.

170: மீனாக்ஷி அம்மன் கோவில் படங்கள் # 39

2006-06-24T17:21:00.000+05:30

கோபுர காட்சிகள் # 3

கோபுரங்களை சற்று தள்ளி நின்று பார்த்தால் அழகாகவும் அன்னாந்து பார்த்தால், சிலைகள் அதிகமாகவும், அதன் கலைநயங்களும் தெரியவரும். தற்போது கோபுரத்தை சற்று அன்னாந்து பார்க்கலாம்.

(படத்தை சொடுக்கினால் பெரிதாகும்)

அம்மன் சன்னிதி

மேற்க்கு கோபுரம் (உள்ளே இருந்து)

வடக்கு கோபுரம் (இரவு காட்சி)

தெற்கு கோபுரம் (இரவு காட்சி)

சிறிய கோபுரம் (மீனாட்சி அம்மன்)

மேற்க்கு கோபுரம்

சுவாமி சந்நிதி

இராஜ கோபுரம்

தெற்க்கு கோபுரம் (உள்ளே இருந்து).

என்னங்க கழுத்து வலிக்குதா சரி அடுத்த பதிவில் கொஞ்சம் உயர கொண்டு செல்கிறேன் எவ்வளவு உயரம் செல்ல வேண்டுமென்று பின்னூட்டமிட்டல் அவ்வளவு உயரத்திற்க்கு அழைத்து செல்கிறேன். அதிக பட்சமாக 652 அடி (ஆம் செயற்க்கை கோள்ளின் வண்ணப்படம்).

முந்தைய பதிவு

குறிப்பு: தெற்கு கோபுரபடம் வலை யேற்றப்பட்ட படங்களில் 200வது படம்.

168: மீனாக்ஷி அம்மன் கோவில் படங்கள் # 38

2006-06-17T15:38:00.000+05:30

கோபுர காட்சிகள் # 2

கோபுர காட்சிகளுக்கு மேலே செல்லும் முன் கோவிலின் வரைபடம்.

இவ்வரைபடம் கோவிலின் எல்லா கோபுரங்களையும் இணைத்து, எல்லா மண்டபங்கள், எல்லா சன்னிதிகளும் உள்ளன.

ஒரு தூரப்பார்வையில் கோவிலின் அனைத்து கோபுரங்கள்.
மேலும் சில கோணங்களில்.

அடுத்த பதிவு, மேலும் சில கோபுரகாட்சிகள்.

முந்தைய பதிவு

166: மீனாக்ஷி அம்மன் கோவில் படங்கள் # 37

2006-06-12T13:56:00.000+05:30

கோபுர காட்சிகள் # 1

திசை கோபுரங்கள் - 4 (ராஜ, மேற்க்கு, வடக்கு, தெற்கு)

விமானம் - 2 (அம்மன், சுவாமி)

உள் கோபுரங்கள் - 4

சன்னிதிக்கு பின்னால் உள்ள கோபுரங்கள் - 2

மேலும் கோபுரங்கள் - 2

ராஜ கோபுரத்திலிருந்து ஒரு கழுகுப்பார்வையில்

இரு விமானங்களையும் சேர்த்து பதினான்கு கோபுரங்களை கொண்ட அம்மையின் ஆலயம், காண்போரை வியப்பில் ஆழ்த்துகிறது. அதை அடுத்து வரும் பதிவுகளில் காண்போம்.

கோபுரம் என்றால் என்ன? எந்த நிலையில் எந்த தெய்வங்கள் இருக்கும் என்பதை விளக்கும், தெற்க்கு கோபுரத்தை உதாரணமாக கொண்ட ஒரு விளக்க படம்.

இனி கோபுரங்கள், முதலில் முழுமுதல் கடவுளான விக்னேஸ்வரர், கோபுரம் - தெற்கு

பின் தங்க கலசத்திலிருந்து ஆரம்பிக்கிறேன்.

அம்மன் விமானம்

இந்திர விமானம் (சுவாமி சன்னிதி)

தொடரும் (1).

165: மீனாக்ஷி அம்மன் கோவில் படங்கள் # 36

2006-06-09T18:05:00.000+05:30

நமது ப்ளாகரை கையாள தெரியாமல் கையாண்டதால் சில படங்கள் விடு பட்டது, சில படங்கள் இப்பதிவில்.

மீனாட்சி அம்மன் சன்னிதி பலி பீடம்
பாண்டவர் மண்டபத்தில் பாஞ்சாலி

அர்சுனன்

திருக்கல்யாணமண்டபத்தில் இசை கலைஞர் இசைவழிபாடு.

சுவாமி சன்னிதியில் வெளிபிரகாரத்தில் உள்ள, திருக்கல்யாண சன்னிதியில் இருக்கும் அர்தநாரீஸ்வரரின் வண்ணசிலை.

அடுத்த பதிவு கோபுர காட்சிகள்.

164: மீனாக்ஷி அம்மன் கோவில் படங்கள் # 35

2006-06-09T14:28:00.000+05:30

ஆயிரங்கால் மண்டபம் பற்றி ஆயிரம் பதிவிட்டாலும் போதாது, அதை வெறும் 3 பதிவில் சுருக்கி இட்டுள்ளேன். கண்ணில் தோண்றிய காட்சிகள் உண்மைக்கு சாண்று என்பார்கள். கற்பனை காட்சிகள் கவிக்கு அழகு என்பர். இதோ மேலும் சில காட்சிகள் உங்கள் பார்வைக்கு.

மண்டபத்தின் நுழைவாயில், ஒரு சிறப்பு புகைபடம்

ஸ்ரீ விநாயகர்

ஆயிரங்கால் மண்டபத்தின் ஒரு உட்புறகாட்சி. மண்டபத்தில் சூரிய ஒளி வர ஏதுவாக வேயபட்ட கூரை

பாதுகாக்கப்படும் சிற்பங்களின் ஒரு சிறப்பு பார்வை.

ஒரு உற்று பார்வை.

அக்கால சிற்பகலைக்கு சாண்று. நுண்ணிய வேலைபாடுகளை இங்கே காணலாம்.

பிக்ஷாடனார், பூதகனங்களுடன்

மயில்மீதமர்ந்த ஸ்ரீ முருகன்

வெளிநாட்டவர் சிலை

பகல் பொழுதில் சூரியனும் காட்சி தரும் சமயத்தில்
அழகுக்கு அழகு சேர்க்கும் இந்த அதிசய படங்கள் # 1
அழகுக்கு அழகு சேர்க்கும் இந்த அதிசய படங்கள் # 2

கலியுகத்தில் மனிதன் எவ்வாறு இருப்பான் என்று திருமலை மன்னர் கேட்ட கேள்விக்கு அவருடைய ஆஸ்தான சிற்பி செதுக்கிய விளக்க சிற்பம்.

சிலையில் ஆடவன் மேல் ஒரு பெண் அமர்ந்திருப்பாள், ஆடவனுக்கு வலது கரமிருக்காது (முதல் படம்) , பெண்ணிற்க்கு இடது கால் இருக்காது (மேல் படம்), மக்கள் தங்களது முக்கிய கடமைகளை செய்ய முடியாத நிலையில் இருப்பர் என்று சொல்லியுள்ளார். மேலும் பெண்ணின் பிடியில் ஆண்ணெனப்பட்டவன் சிக்கியிருப்பான் அவனது குடுமி அப்பெண்ணிடம் இருக்கும் என்று சொல்லியுள்ளார்.

(அவள் மனைவியா, மகளா, சகோதரியா,அன்னையா, அல்லது தோழியா என்று சொல்லவில்லை)

அடுத்த பதிவில் விடுபட்ட அம்மன் கோவிலின் சில உட்புற படங்கள்.

163: மீனாக்ஷி அம்மன் கோவில் படங்கள் # 34

2006-06-09T11:49:00.000+05:30

இப்பதிவில் மேலும் சில படங்கள்.

ஒளி ரூபனுக்கு விளக்குகள் தேவையோ?
இத்தூணிலிருந்து பார்த்தால் ஆயிரங்கால் மண்டபத்தின் அனைத்து (இவ்வரிசை தூண்கள் தவிர) தூண்களும் தெரியும் படி அமைந்துள்ளது.
காலை ஒளிமயமான காட்சி.

ரம்யமான பகல் நேர காட்சி.

மயக்கும் மாலை பொழுதில் அழகு மண்டபமா? மூர்த்தியா? என்று விவாதிக்க தூண்டும் காட்சி.

இத்தனை அதிசயங்களை கொண்ட மண்டபம் காண்போரை கவராதா என்ன? இதற்க்கு வெளிநாட்டவர் விதிவிலக்கா?

அடுத்த பதிவில் இம்மண்டபத்தின் சில சிற்பங்கள். (விநாயகர், முருகன், பிக்ஷாடனார் மேலும் வெளிநாட்டவர் ஒருவரின் சிலை உட்பட கலியுகத்தை விளக்கும் ஒரு அறிய சிற்பமும் உள்ளது அதையும் பார்ப்போம்)

162: மீனாக்ஷி அம்மன் கோவில் படங்கள் # 33

2006-06-08T16:37:00.000+05:30

ஆயிரம் கால் மண்டபம்,
நூறுகால் மண்டம்,
ஆயிரம் கால்மண்டபம்,
கம்பத்தடி மண்டபம்,
இப்படி மண்டபங்கள் நிறைந்த, சூழ்ந்த தலம் நமது மீனாட்சி அம்மன் கோவில், ராயர் கோபுரத்தையும் கட்டிமுடிக்கப்பட்டிருந்தால், புதுமண்டபமும், நகரா மண்டமும் கோவிலின் உள்ளே இருந்திருக்கும், தேரை பட்டதால் இக்கோபுரம் கட்டி முடிக்க முடியாமல் போனதாக ஒரு கதையுண்டு.

இப்பதிவில் ஆயிரங்கால் மண்டபத்தை பற்றி பார்க்க உள்ளோம்.

ஆயிரங்கால் மண்டபம் அருங்காட்சியகமாக அறிவிக்கப்பட்டு, பல அறிய சிலைகள், பொருட்கள் இங்கே பாதுகாக்கப்படுகின்றன.

இம்மண்டபத்தின் முத்து இசை தூண்.

இம்மண்டப படங்களை பற்றி நான் முன்னரே நிகழ்வுகள் வலைபூவில் மலையும் மாங்காயும் என்ற பதிவில் ச.திருமலை என்பவரை பற்றி குறிப்பிட்டிருந்தேன். அவருடைய பதிவில் மிக அழகான படங்கள், பலகோணங்களில் இருந்தது, கண்டு வியந்தவன் அப்போதே எண்ணிவிட்டேன் நாம் ஆயிரங்கால் பதிவை பதிக்க போவதில்லை என்னுடைய இப்பதிவிற்கான சில படங்களை மட்டும் பதித்து விட்டு, அவருடைய பதிவிற்க்கு சுட்டி தரவேண்டும் என்று எண்ணியிருந்தேன். அப்படியே செய்தும் விட்டேன். சுட்டி இங்கே.

மேலும் சில படங்கள் அடுத்த பதிவில்.

160: மீனாக்ஷி அம்மன் கோவில் படங்கள் # 32

2006-06-05T17:46:00.000+05:30

ஈசனை தியானித்து அவரது அக்னி ரூபமான காலபைரவர் கோலத்தில் கண்டு “ஈஸ்வர” பட்டம் பெற்ற சனீஸ்வரர். நமது பாவ புண்ணியங்களுக்கேற்ப நன்மை தீமைகளை இருக்கும் போதே தந்து நமது பவபுண்ணிய கணக்குகளை சமமாக்குகிறார். இதன் மூலம் ஜீவாத்மாவானது இவ்வுலகில் அலைகழிக்கப்படாமல் பரமாத்மாவான அவ்விறைவினிடம் சேர்க்க முக்கிய காரணமாகிறார். இவர் தனியாக இருக்கும் போது பொங்கு சனி என்று குறிப்பிடப்படுகிறார், அவ்வாறு சுவாமி சன்னிதியில் பொங்கு சனிஸ்வரரை இப்போது வணங்குகிறோம்.

இவருக்கு அடுத்தபடியாக உள்ள தூணில் இருப்பவர், ஒரு ரிஷிபத்தினியின் சிலை, அவருடைய கதை பற்றி எனக்கு தெரியாது, எனக்கு தெரிந்ததெல்லாம் கர்ப காலத்தில் பெண்கள் இவரிடம் தமக்கு சுக பிரசவம் ஆக வேண்டிக்கொள்வர், சுகமாக முடிந்தவுடன் எண்ணை சாற்றியும், பாவாடை சாற்றியும் வழிபடுவர். இதற்க்கு மேல் தெரிந்தவர்கள் சொன்னால் தெரிந்து கொள்வேன்.

அடுத்த தூணில் இருப்பவர், கோபியர் மன்னன், குழலூதும் கண்ணன். அங்கே அவர் நிற்பது குழலூதிய படி, அழகாக இருக்கும் இச்சிலை அனைவருக்கு எட்டிவிடும் அதனாலோ என்னவோ இச்சிலை சற்றே சிதிலமடைந்து உள்ளது.

அடுத்த பதிவு நிறைந்த மணதுடன் வெளி பிராகரத்திற்க்கு வருகிறோம்.

159: மீனாக்ஷி அம்மன் கோவில் படங்கள் # 31

2006-06-05T15:54:00.000+05:30

இப்பதிவில் சிவனின் ஆஸ்தான பிளைகளான சமயகுரவர்கள் நால்வரின் சன்னிதிக்கு செல்கிறோம். இச் சன்னிதி, பத்ர காளிக்கு இடப்பக்கம், அமைதியே உருவான தென்மேற்கு மூலையில் உள்ளது. இந்த சன்னிதியில் அதிகாலை அபிஷேகத்திற்க்கு பிறகு ஞானப்பால் வழங்கப்படுவதும், இரவு பள்ளியறை பூஜையின் போது இங்கிருந்து தான் தேவார பாடல் பாட ஆரம்பிப்பர்.

இவர்களை வணங்கி வலப்பகம் திரும்புகையில் உள்ளது பிரசாத ஸ்டால்

அடுத்த பதிவில் உட்ப்ரகார படங்கள்

முந்தைய பதிவு ____________________________________ அடுத்த பதிவு

155: மீனாக்ஷி அம்மன் கோவில் படங்கள் # 30

2006-06-01T11:14:00.000+05:30

இப்பதிவில் சிவசங்கரனின் அவதாரமான அனுமனை தரிசிக்கிறோம். செந்துரத்தை தன் உடல் முழூவதும் பூசி, ராம காதைகளை கேட்டு கொண்டிருக்கும் அந்த ராம பக்தன் இதோ, தேவ சிற்பி விஸ்வகர்மாவால் செதுக்கப்பட்டு, ஓரே இரவில் கிடைக்கபெற்ற அனுமனுனின் சிலை, பார்க்கவும் கண்கோடி வேண்டுமே, இதை பதிக்க என் முன்னோர் என்ன தவம் செய்தனரோ.

ஆஞ்சனேயர்

வெற்றிலை மாலை சாற்றியும், எள் விளக்கேற்றியும் வணங்குகின்றனர்.

ஆண்களும்...

பெண்களும்...

குடும்பமாகவும்... குழுக்களாகவும்... இவரை வேண்டுவது சிறப்பு. இவரை ஆஞ்சனேயர் துதி செய்து வலம் வருவோம். இவருக்கு எதிரில் சொக்கநாதரின் பிட்டுக்கு மண்சுமந்த லீலை உள்ளது.

மேலும் சில படங்கள்

இப்பதிவு செல்வன் அவர்களின் கவனத்தை பெரும் என்று நம்புகிறேன்.

154: மீனாக்ஷி அம்மன் கோவில் படங்கள் # 29

2006-05-31T18:48:00.000+05:30

வீரபத்திரகளை வலம் வந்து கம்பத்தடி மண்டப்பத்தின் தெற்க்கு பகுதியில் வீரபத்திரர்களை போலவே உக்கிரமாக ஊர்த்தவதாண்டவரும், பத்ரகாளியும் அகோர தாண்டவமாடி நிற்கிறார்கள், இவர்களின் உக்கிரம் தனிய, வெண்ணை சாற்றி வழிபடுகின்றனர்.

மேலும் வெள்ளிதோறும் பெண்கள் பலர் இங்கே எலுமிச்சை விளக்கேற்றி வழிபடுகின்றனர்.

அடுத்த பதிவில் தேவ சிற்பி விஸ்வகர்மா செதுக்கிய ருத்ர அவதார அனுமான்.

152: மீனாக்ஷி அம்மன் கோவில் படங்கள் # 28

2006-05-29T18:00:00.000+05:30

நூறுகால் மண்டாபம் தற்சமயம் தியான மண்டபமாக அறிவிக்கப்பட்டுள்ளது. அதில் பக்தர்கள் அமைதியை நாடி தியானம் செய்வதை இங்கே பார்க்கலாம்.

அங்கே நடராஜர் அன்னை சிவகாமியுடன் ஆனந்த தாண்டவமாடி அருள்கிறார். நூறு கால் மண்டபத்திற்க்கும், ஆயிரங்கால் மண்டபத்திற்க்கும், உள்ள ஒற்றுமைகள் பல, அதில் ஒன்று நூறுகால் மண்டபத்தில் நடு தூண்வரிசையில் நின்றுபார்த்தால் அந்த வரிசை தூண் தவிர எல்லா தூண்களும் தெரியும் அதே போல் ஆயிரங்கால் மண்டபத்திலும் நடு தூண்வரிசையில் நின்றுபார்த்தால் அங்கிருக்கும் 994 தூண்களில், அந்த வரிசை தூண் தவிர மற்ற எல்லா 906 தூண்களும் தெரியும், அங்கும் இங்கும் நடராஜர் அன்னை சிவகாமியுடன் அருள்கிறார்.

சில வேற்றுமைகள் ஆயிரங்கால் மண்டபத்திலிருக்கும் நடராஜரின் பின்னனியில் திரைசீலை சிகப்பாகவும் மையமாகவும், நூறுகால் மண்டபத்தில் நடராஜரின் சன்னிதி சற்றே உயர்ந்த மேடையிலிருக்கும்.

நூறுகால் மண்டப படம் கிடைக்கவில்லை ஆகவே ஆயிரங்கால் மண்டபத்திலிருக்கும் நடராஜரின் ஒரு விதமான கோனத்தில்.

ஈசனையோ இஷ்ட தெய்வத்தையோ சற்றுநேரம் தியானம் செய்து வெளியேவர, நம் துர்குணங்களை சம்ஹாரம் செய்ய ருத்ரஅவதாரங்களான அகினி வீரபத்ரரும், அகோர வீரபரரும் நிற்கின்றனர். வியாழகிழமைகளில் இரு விரபத்ரகளுக்கும் சிறப்பு பூஜைகள் செய்யப்படுவதும், தினமும் அவரை சாந்தி செய்ய பலரும் வெண்ணையுருண்டை சாற்றுவதும் சிறப்பு.

வெண்ணைய் உருண்டை சாத்துபடி செய்து வணங்கும் பக்தர்கள்

சிறப்பு அலங்காரத்தில் அகோர வீரபத்திரர்

இவர்களுடைய பாதத்தில் ஒருவித அதிர்வை உணரலாம்.

அடுத்த பதிவு ஊர்த்தவ தாண்டவரும், பத்ரகாளியும்.

142: மீனாக்ஷி அம்மன் கோவில் படங்கள் # 27

2006-05-20T14:26:00.001+05:30

மீனாட்சி அம்மன் கோவிலில் அடுத்து நாம் செல்வது சுவாமி சன்னிதியில் வலதுபக்கமுள்ள முருகனின் மூன்று சன்னிதிகள்.

அதில் முதலில் தண்டாயுதபாணியாக முருகன் அருள்பாலிக்கிறார். தினமும் அதிகாலையில் நடைதிறக்கப்பட்டபின் 6.00 மணி முதல் - 8.15 மணி வரை ஒவ்வொரு சன்னிதிக்கு சென்று ஸ்லோகங்களை சொல்லியும், பக்தி பாடல்களை பாடியும், வணங்கும் குழுவினர் இங்கே குழுமுவர். அரோகாரா, ஜெய் போன்ற கோஷங்களை எழுப்பி உலக நன்மைக்காக கூட்டு வழிபாடும், அமைதி வழிபாடும் செய்வர்.

அடுத்தடுத சன்னிதியில் திருத்தனி முருகனும், தனிகாசல முருகனும் மயில் மேல் அமர்ந்து அருபாலிக்கின்றனர், அடுத்த மூன்று சன்னிதியில் மூன்று லிங்கங்கள் உள்ளன.

கடைசி சன்னிதியின் எதிர் சன்னிதியில் நவகிரகங்கள் தத்தமக்குறிய திசைகளில் நின்று அருள் செய்கின்றனர்.

சூரியன், சந்திரன், செவ்வாய், புதன், குரு (வியாழன்), சுக்கிரன், சனி, இராகு, கேது என்ற ஒன்பது கோள்கள் நவகிரகங்கள் எனப்படுகிறன.

நவகிரகங்கள் நாம் செய்த பூர்வ புண்ணியங்களை ஏற்ப நன்மையும், தண்டனைகளையும் வழங்குகின்றனர். நம்மை மோக்ஷத்திற்க்கு அழைத்து செல்வது இரண்டு செயல்கள். புண்ணியம் செய்வது ஒன்று. பகவான் நாமாவை சொல்வது இரண்டு. இவிரண்டையும் தவிர மோக்ஷம் பெற, நற்கதி பெற எவ்வழியுமில்லை. பகவான் நாமாவை சொல்வதே ஒரு புண்ணியம், அது தவிர புண்ணியம் என்ன உள்ளது அவனை போற்றி பாடுவது, அவனடியார்களை பேணுவது, ஊக்குவிப்பது போன்ற செயல்கள். பொம்மலாட்ட பொம்மைகள் போல் கோள் முதல் ஆள் வரை பகவானின் சொல்படி தான் ஆடுகின்றன.

இந்நவகிரகங்களை ஆதித்யாய, ஸோமாய, மங்களாய, புதாஸ்ய, குரு, சுக்ர, சனிப்யஸ்ய, இராகவே, கேதவே, நமோநமஹ என்று ஸ்லோகங்களை சொல்லியும் பிறகு கோளாறு பதிகம் சொல்லியும் வலம் வருவர். மேலும் எள்தீபமேற்றியும், நெய் தீபமேற்றியும் வழிபடுவர்.

அடுத்த பதிவு நூறுகால் மண்டபம், அக்னிவீரபத்திரர், அகோர வீரபத்திரர்.

முந்தைய பதிவு

அடுத்த பதிவு

114: மீனாக்ஷி அம்மன் கோவில் படங்கள் # 26

2006-05-02T16:15:00.000+05:30

கம்பத்தடி மண்டபம்

கடந்த முறை கம்பத்தடி மண்டபம் பற்றிய பதிவில் அண்ணன் குமரன் அவர்கள் கம்பத்தடி மண்டபத்தில் சிவபெருமானின் 52 திருவுருவங்கள் இருப்பதாகவும், கம்பத்தடி மண்டபத்தை வலம் வந்தால் கயிலாயத்தை வலம் வந்த பலன் உண்டு என்றும் பின்னூட்டமிட்டிருந்தார். உடனே அதை பற்றி தெரிந்து கொள்ள ஆவலாய் வலையில் சுற்றி வந்த போது, இறைவன் சிவன் 64 ரூபங்களில் வழிபடபடுவதாகவும், அதில் லிங்க ரூபமே அதிக அளவில் கோவில் கொண்டுள்ளதாகவும் தெரிந்து கொண்டேன். 64ல் 52 உருவங்கள் நம் எல்லோருக்கும் ஒரே இடத்தில் காட்சி தருவது மதுரையில் தானிருக்க வேண்டும் என்று எண்ணுகிறேன்.

மேலும் படங்கள் முந்தைய பதிவில்

முந்தைய பதிவு

அடுத்த பதிவு

111: மீனாக்ஷி அம்மன் கோவில் படங்கள் # 25

2006-05-01T13:20:00.000+05:30

அடுத்த படியாக நாம் பைரவரை நோக்கி செல்லும் முன் இரு சன்னிதியை தரிசிக்கயுள்ளோம். பொற்பாண்டியன் என்ற மன்னனின் இந்த சன்னிதியில் இன்றும் அருவமாக இருந்து அம்மை-அப்பனை வணங்கி வருவதாக நம்பப்படுகிறது. அடுத்த சன்னிதியில் உயர்ந்த மேடையில் ஒரு நடராஜர் விக்ரகங்கள் உள்ளன. இவர், சிதம்பர நடராஜரின் பிரதி பிம்பமாக கருதப்படுகிறார். 'பொன்னபல நடராஜர்', சிதம்பர நடராஜர் என்று இவரை போற்றுகின்றனர்.

அருகே அருள்பாலிப்பவர் சனிபகாவானுக்கு ஈஸ்வர பட்டம் வழங்கிய ஸ்வான எனப்படும் நாய் வாகனத்தை கொண்ட பைரவர். வடகிழக்கு என்பது ஈசானிய மூலை. இப்பகுதி காவலர்க்கு உரிய பகுதி. ஆக சொக்கநாதர் சன்னிதி முழூவதும் இவர் காவலுக்கு உட்பட்ட இடமாகும். மதுரையில் பல பைரவர் கோவில்கள் உள்ளன. இவருக்கு இராகுகால விஷேச அபிஷேக, அலங்காரங்கள், சிறப்பாக கருதப்படுகிறது.

ஞாயிற்றுகிழமை மாலை ஆறுமணியளவில் நடக்கும் சந்தன அலங்காரம் மிகவும் சிறப்பு வாய்ந்தது.

பைரவருக்கு எதிரில் வன்னிமரம், லிங்கம், கிணறு இம்மூன்றும் உள்ளது, சொக்கநாதர் முன் செய்த சத்தியத்திற்க்கு சாட்சி சொல்ல இம்மூன்றும் தோன்றியதாக வரலாறு.

அதற்க்கு அருகாமையில் மேலும் சில வகையான லிங்கமுள்ளது, அடுத்த பகுதியில் ஈசன் அக்ஷ்ய திருதியையில் சூடிய சந்திரன், தன்னுடைய இஷ்டநட்சத்திர மனைவியர்களான ரோஹினி, கிருத்திகையுடன் அருள்பாலிக்கிறார்.

இவ்வாராக நாம் சுந்தரேஸ்வரர் சன்னிதியை வலம்வந்து விட்டோம்.

அடுத்த பதிவு, கம்பத்தடி மண்டபத்தை சுற்றினால் கைலாயத்தை சுற்றிய பலன் கிட்டும் என்று அண்ணன் குமரன் அவர்கள் கூறினார். நாம் கம்பத்தடி மண்டபத்தை ஒருமுறை சுற்றி வருவோம்.

முந்தைய பதிவு

அடுத்த பதிவு

108: மீனாக்ஷி அம்மன் கோவில் படங்கள் # 24

2006-04-30T09:01:00.000+05:30

நடரஜர் சன்னிதி சற்றே உயர்ந்த மேடையில் உள்ளது. உள்ளே நடராஜரின் வித விதமான நடன சபைகளின் உற்சவர்கள் உள்ளனர். கனக சபை, ரத்தின சபை, சித்திர சபை.

__________
இன்று(30-4-2006) அக்ஷ்ய திருதியை,

இந்த நன்நாளில் பல்வேறு தெய்வங்கள், தங்களது செல்வங்களை பெருக்கிக்கொள்ளவும் காத்துக் கொள்ளவு அன்னை லக்ஷிமியை வணங்கியுள்ளனர். நாமும் அவளை வணங்கி அவளருள் பெருவோம்.

நடராஜர் சன்னிதிக்கு அருகில் இருப்பவர், அன்னை மஹாலக்ஷ்மி.

தாமரைபூவில் அமர்ந்தவளே- செந்
தாமரைபூவில் அமர்ந்தவளே
செந்தூரத் திலகம் அணிந்தவளே (செந்தாமரை)
சிந்தையில் நின்றாடும் நாரணன் நெஞ்சில்
நிறைந்தவளே கருணையில் சிறந்தவளே (செந்தாமரை)

அலைகடலில் உதித்த ஆதிலக்ஷ்மீ தாயே
அமரர்கள் துதுபாடும் அமுதமும் நீயே
செல்வங்கள் பெருகும் உந்தன் திருவருள் துணையாவே
உலகமெல்லாம் உயரும் உன்னருள் மனத்தாலே (செந்தாமரை)
சுந்தரி பார்வதி பாமகளும்
சொந்தமுடன் நினைக்கும் பூமகளே
உன்பதம் எந்நாளும் தஞ்சம் திருமகளே
அன்பர்களைக் காத்திடும் அலைமகளே (செந்தாமரை)

என்று இவளை பாடித்தொழுது சண்டிகேஸ்வரர் சன்னிதிக்கு செல்வோம்.
அங்கு சண்டிகேஸ்வரரிடம் அமைதியாக நம் வருகையை சொல்லி பின் விடைப்பெற்று மேற்கு நோக்கி வருவோம்.

அடுத்த பதிவு சனீபகவான் வணங்கி ஈஸ்வர பட்டம் பெற்ற 'கால பைரவர்'.
அவருக்கு எதிரில் இருக்கும் வண்ணி சிற்பமும்.

(இப்பதிவு என்னுடைய 108 வது பதிவு, மேலும் அன்னை லக்ஷ்மியின் படம் பதிவிலேற்றப் பட்ட 100வது படம்)

முந்தைய பதிவு

அடுத்த பதிவு